دکشن کنڑا اور اُڈپی اضلاع میں بھی فائنل ائیر کے 40طلبا کی رپورٹ پوزیٹیو
منگلورو:24؍نومبر(ایس اؤ نیوز) ڈگری کالجوں کی شروعات ہوکر قریب ایک ہفتہ ہورہاہے لیکن حاضری میں ابھی تک کوئی اضافہ نہیں دیکھا گیا۔ کیونکہ طلبا ، تدریسی و غیر تدریسی عملے کی کورونا جانچ ہونے سے حاضری میں تاخیر ہونے کی بات کہی جارہی ہے۔ دکشن کنڑا ضلع میں ابھی تک 2116441طلبا کے سیمپل لئے گئےہیں جن میں 29طلبا کی رپورٹ پوزیٹیو آئی ہے۔
پوزیٹیو پائے گئے 29طلبا میں سے منگلورو کے 16، 4سلیا ، 7بنٹوال اور ایک ایک بیلتھنگڈی اور پتور کے بتائے گئے ہیں۔ متعلقہ طلبا کو ہوم کوارنٹائن اور ہاسٹل میں ہی رہنے کہاگیا ہے۔ضلع کے کل 8پرائمری ہیلتھ سنٹروں میں جانچ کے لئے سیمپل لئے جارہے ہیں تو 8پرائیویٹ اورایک سرکاری اسپتال میں رپورٹس کی جانچ کی جارہی ہے۔
اُڈپی میں 11پوزیٹیو : اُڈپی ضلع میں جانچ کئے گئے فائنل ائیر طلبامیں کل 11طلبا کی رپورٹ پوزیٹیو پائی گئی ہے۔ جنہیں اپنے گھروں میں ہی الگ تھلکرہنےکو کہاگیا ہے۔ بتایا گیا ہے کہ پوزیٹیو پائے گئے طلبا کلاسس میں حاضری نہیں دئیے ہیں۔
ضلع میں ابھی تک 19لوگ کورونا پوزیٹیو پائے گئے ہیں۔اُڈپی 5، کنداپور 8اور کارکلا میں 6پوزیٹیو معاملات سامنے آئے ہیں۔ جن میں سے 10مرد اور 9خواتین ہیں۔ ضلع میں پوزیٹیو پائے گئے افراد میں سے کل 22108افراد صحت یاب ہوکر گھر لوٹ چکے ہیں۔ پوزیٹیو پائے گئے 22489لوگوں میں سے 195زیر علاج ہیں تو 187لوگوں کی موت ہوچکی ہے۔