کویت :کووِڈ-19 کے 666 نئے کیسوں کی تشخیص، کل تعداد 56 ہزار سے متجاوز

Source: S.O. News Service | Published on 15th July 2020, 11:01 PM | خلیجی خبریں |

کویت سٹی،15؍جولائی (ایس او نیوز؍ایجنسی) کویت نے گذشتہ 24 گھنٹے میں کووِڈ-19 کے 666 نئے کیسوں کی تشخیص کی اطلاع دی ہے۔ اب سے ننھی خلیجی ریاست میں کرونا وائرس کے کل کیسوں کی تعداد 56174 ہوگئی ہے۔

کویت کی وزارت صحت نے منگل کے روز ایک بیان میں بتایا ہے کہ نئے تشخیص شدہ کیسوں میں 421 کویتی شہری ہیں اور 245 تارکینِ وطن ہیں۔

آج کویت میں کووِڈ-19 کا شکار مزید تین مریض چل بسے ہیں جس کے بعد اس مہلک وائرس سے مرنے والوں کی تعداد 396 ہوگئی ہے۔

وزارتِ صحت نے مزید بتایا ہے کہ حال ہی میں اس مہلک وائرس میں مبتلا ہونے والے 805 مریض صحت یاب ہوگئے ہیں اور 14 جولائی تک صحت یاب ہونے والے کل مریضوں کی تعداد 46161 ہوچکی ہے۔

ایک نظر اس پر بھی

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

سعودی فرماں روا شاہ سلمان آرام کی غرض سے نیوم میں

خادم الحرمین الشریفین شاہ سلمان بن عبدالعزیز آل سعود بدھ کے روز تبوک صوبے کے سرحدی علاقے نیوم پہنچ گئے۔ سعودی فرماں روا وہاں آرام کی غرض سے کچھ وقت گزاریں گے۔ اس سے قبل شاہ سلمان بدھ کے روز دارالحکومت ریاض سے روانہ ہوئے تھے۔

یو اے ای : بیرون ملک مقیم مکینوں کی واپسی کے لیے پیشگی منظوری کی شرط ختم

متحدہ عرب امارات کی قومی ایمرجنسی کرائسِس اور ڈیزاسسٹر مینجمنٹ اتھارٹی نے کرونا وائرس کو پھیلنے سے روکنے کے لیے عاید کردہ پابندیوں میں مزید نرمی کردی ہے اور بیرون ملک مقیم یو اے ای کے مکینوں کو بدھ سے واپسی کے لیے اب حکام سے پیشگی منظوری لینے کی ضرورت نہیں ہوگی۔