کورونا اَپ ڈیٹ:جنوبی کینرا میں بگڑتی صورتحال۔ ایک ہی دن میں 186افراد نکلے پوزیٹیو۔عوام کے علاوہ پولیس اہلکار بھی ہورہے ہیں کورونا کا شکار

Source: S.O. News Service | Published on 12th July 2020, 2:10 PM | ساحلی خبریں |

منگلورو،12؍جولائی(ایس او نیوز) جنوبی کینرا میں کورونا وباء کی صورتحال انتہائی بھیانک صورت اختیار کرگئی ہے جس کا اشارہ 11؍جولائی کے اعداد وشمار سے مل رہا ہے جہاں ایک ہی دن میں 186افراد کی رپورٹ پوزیٹیونکلی ہے۔

خیال رہے کہ ضلع میں پہلی مرتبہ ایک ہی دن میں اتنی بڑی تعداد میں پوزیٹیو کیس نکلے ہیں۔اس کے ساتھ ہی اب تک متاثرہونے والوں کی تعداد  2,034ہوگئی ہے۔ان میں سے 10معاملات دیگر اضلاع کے افراد سے متعلق ہیں۔ضلع انتظامیہ کے لئے اس وقت ایک اور تشویش کا مسئلہ یہ سامنے آرہا ہے کہ اب ایسے مریضوں کی تعداد بڑھنے لگی ہے جس میں یہ پتہ نہیں چل رہا ہے کہ آخر انہیں مرض کہا ں سے لگا تھا۔ایسے مریضوں کی تعداد فی الحال 56ہوگئی ہے۔ اسی طرح اموات کے تازہ تین معاملات کے ساتھ کورونا سے ہلاک ہونے والوں کی تعداد بڑھ کر 41ہوگئی ہے۔

معلوم ہوا ہے کہ پتور میں ٹاؤن پولیس اسٹیشن کے ایک کانسٹیبل کے علاوہ دیگر چار افراد کو یہ مرض لاحق ہوا ہے۔ اسی پولیس اسٹیشن کی ایک لیڈی کانسٹیبل کی والدہ بھی کووِڈ کاشکار ہوگئی ہے۔اس کے علاوہ بیلتنگڈی میں سرکاری اسپتال کے دو اہلکاروں، ایک اسٹاف نرس اور ایک لیباریٹری ٹیکنی شیئن کو مرض لاحق ہوا ہے۔ جبکہ سولیامیں ایک میڈیکل طالب علم ایک میڈیکل اسٹاف اور دو مریض سمیت چار افراد کورونا میں مبتلا ہوگئے ہیں۔احتیاطی طور پرسرکاری اسپتال کو سیل ڈاؤن کردیا گیا ہے۔مُولکی پولیس اسٹیشن کے ایک46سالہ ہیڈکانسٹیبل کی رپورٹ پوزیٹیو آنے کے بعد پولیس تھانے کو سیل ڈاؤن کیا گیا ہے۔اس کے علاوہ دوسرے علاقے سے دیگر دو افراد بھی کورونا کا شکار ہوگئے ہیں۔

الال کے اندر مزید4لوگ پوزیٹیو ہوگئے ہیں۔خیال رہے کہ پچھلے کئی دنوں سے الال اور اطراف سے روزا نہ مریضوں کی تعداد بڑھتی جارہی تھی جس کے بعد وہاں کے عوام نے زیادہ متاثرہ علاقوں مں خود اپنی مرضی سے لاک ڈاؤن لاگو کرلیا تھا۔

ایک نظر اس پر بھی

بھٹکل میں دعوت سنٹر کی تجدید و تزئین کی تکمیل پر خوبصورت تقریب کا انعقاد : بھٹکل کی اہم شخصیات کا تذکرہ

جماعت اسلامی ہند بھٹکل کی اجتماعی  سرگرمیوں کا محور ومرکز دعوت سنٹر کی تجدید و تزئین کاری کی تکمیل کے بعد  24جنوری 2021بروز اتوار کی شام 5بجے  جامع مسجد بھٹکل کےخطیب مولانا عبدالعلیم خطیب ندوی کے درس قرآن سے دعوت سنٹر کا افتتاحِ نوعمل میں آیا۔  

بھٹکل میں منی ودھان سودھا اور اندراکینٹین کا وزیر اشوک اور وزیر شیورام ہیبار کے ہاتھوں خوبصورت افتتاح

ریاستی کابینہ کے وزیر برائے ریوینیو آر اشوک نے بھٹکل کے عوام کی دیرینہ مانگ  انجمن روڈ پر نوتعمیر شدہ منی ودھان سودھا  کا فیتہ کاٹ کر افتتاح کیا۔اس موقع پر خطاب کرتےہوئے آر اشوک نےکہاکہ ریاستی حکومت کئی ترقیاتی  کاموں کو انجام دے رہی ہے ان میں سے ایک منی ودھان سودھا بھی  ہے۔ ...

جالی پٹن پنچایت کی جانب سے روینیو منسٹر اور ضلع نگراں کار وزیر کو سونپا گیا میمورنڈم؛ محکمہ جنگلات کی جانب سے پیش آرہی رکاوٹوں کو دور کرنے کا مطالبہ

بھٹکل تعلقہ جالی پٹن پنچایت کی جانب سے ریاست کے روینیو منسٹر آر اشوک کو جالی پٹن پنچایت کی محکمہ تحصیل کی جانب سے واضح سرحدی نشان طئے کرنے کا مطالبہ لے کر پنچایت کی صدر شمیم بانو شیخ نے میمورنڈم سونپا۔

بھٹکل کی زمینات کے مسائل کو حل کرنے تنظیم کا روینیو منسٹر سے مطالبہ

مجلس اصلاح وتنظیم بھٹکل کی جانب سے ریاست کرناٹک کے روینیو منسٹر آر اشوک  کو میمورنڈم سونپتے ہوئےمطالبہ کیاگیا کہ بھٹکل شہر میں کئی سارے مسائل ہیں ان میں خاص کر سروئیر آفس سے عوام کو گھروں اور عمارتوں کی تعمیر کے لئے منظوری نہیں ملنے ، کے جی پی سروے نہیں ہونے سے پیش آنے والی ...

شمالی کینرا میں لاک ڈاون کے بعد سڑک حادثات میں اضافہ

ضلع شمالی کینرا میں اگر سڑک حادثات کے اعداد وشمار کا جائزہ لیں تو پتہ چلتا ہے کہ  گزشتہ سال کے مقابلے میں حالانکہ امسال سڑک حادثات میں ذرا سی کمی دکھائی دے رہی ہے ، لیکن جان لیوا حادثات میں کوئی خاص کمی نہیں آئی ہے، بلکہ لاک ڈاون کا عرصہ گزرنے کے بعد حادثات میں اضافہ ہوگیا ہے۔ ...