کاروار 22جولائی (ایس او نیوز) ضلع اُترکنڑا میں کورونا کے معاملات میں کمی آنے کے بجائے روز بروز اضافہ ہی درج کیا جارہا ہے، منگل کو دوسری مرتبہ ضلع نے سو کی تعداد کو پار کیا ہے۔ اس بات ہلیال میں 44، سرسی میں 22،  ہوناور میں 13، کاروار میں 8،  کمٹہ میں 7، منڈگوڈ میں 6،   بھٹکل میں 5، جوئیڈا میں 2 اور یلاپور اور سداپور میں ایک ایک کیسس سمیت جملہ 109 پوزیٹیو کیسس کی تصدیق ہوئی ہے۔

کورونا سے ضلع اُترکنڑا میں اب تک 13 لوگوں کی اموات درج کی گئی ہیں جس میں صرف بھٹکل سے ہی  آٹھ ہیں جبکہ سرسی کے تین لوگ کورونا سے وفات پاچکے ہیں۔

یاد رہے کہ کل منگل کو بھی ایک 65 سالہ خاتون کاروار اسپتال میں انتقال کر گئی تھی، جس کو سیدھے  بھٹکل قاضیا اسٹریٹ میں واقع قبرستان  لے جا یا گیا  تھا اور وہیں پر ضروری کاروائیوں کے بعد  تدفین عمل میں آئی تھی۔