سعودی عرب میں کرونا متاثرین کی تعداد 1104 ہوگئی، امتحانات وقت پر کرانے کا اعلان

Source: S.O. News Service | Published on 28th March 2020, 5:08 PM | خلیجی خبریں |

ریاض،28؍مارچ(ایس او نیوز؍ایجنسی) سعودی وزارت صحت نے بتایا ہے کہ جمعہ کی شام تک مملکت میں کرونا وائرس کے متاثرہ مریضوں کی تعداد میں 92 نئے کیسوں کا اضافہ ہوا ہے جس کے بعد کرونا کے متاثرین کی تعداد بڑھ کر 1104 ہوگئی ہے۔ نئے سامنے آنے والے مریضوں میں 10 غیر ملکی شامل ہیں۔

العربیہ ڈاٹ نیٹ کے مطابق کرونا کے نئے میں الریاض کے 46، مدینہ منورہ کے 19 مقدمات ، قطیف 10 ، جدہ کے 7، دمام 4 اور بریدہ، ظہران میں دو اور الھفوف اور الخبر میں ایک ایک کیس سامنے آیا ہے۔

وزارت صحت کا کہنا ہے کہ سعودی عرب میں کرونا کے متاثرہ مریضوں کی مجموعی تعداد 1104 ہوگئی ہے۔ ان میں سے بیشتر کی حالت خطرے سے باہر ہے جبکہ چھ کی حالت تشویشناک بیان کی جاتی ہے۔

سعودی عرب میں کرونا وائرس سے کوئی نئی اموات ریکارڈ نہیں کی گئیں جبکہ مزید دو مریض صحت یاب ہوگئے جس کے بعد صحت یاب ہونے والے مریضوں کی تعداد 35 ہوگئی ہے۔ محکمہ صحت کے حکام کا کہنا ہے کہ کرونا کے مشتبہ 45 ہزار مریضوں کے ٹیسٹ لیے گئے۔

امتحانات شیڈول کے مطابق کرانے کا اعلان: دوسری جانب سعودی عرب میں وزارت تعلیم کا کہنا ہے کہ کرونا وائرس کی وجہ سے امتحانات کا شیڈول تبدل نہیں ہوگا۔ وزارت تعلیم کا کہنا ہے کہ فاصلاتی تعلیم کا عمل جاری رکھا جائے گا۔

وزارت تعلیم کا کہنا ہے کہ طلباء کے امتحانات کے لیے آن لائن امتحانات کے ساتھ مختلف آپشن موجود ہیں۔ اس حوالے سے 10 رمضان المبارک کی تاریخ مقرر کی گئی ہے۔ فی الحال امتحانات کا شیڈول تبدیل کرنے کا کوئی پروگرام نہیں۔

وزارت تعلیم کے ترجمان کا کہنا تھا کہ طلباء کی تعلیم کا تسلسل ان کی پہلی ترجیح ہے۔ وہ کرونا کی وباء کی وجہ سے طلباء کا سال ضائع نہیں ہونے دیں گے۔ ترجمان کا کہنا تھا کہ طلباء اور طالبات کو فاصلاتی تعلیم کے طریقہ کار پر سختی سے کاربند رہنا چاہیے۔

ایک نظر اس پر بھی

کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس ...