بہار کی طرح کرناٹک حکومت کو بھی ذات پر مبنی رپورٹ کا انکشاف کرنے کی ہمت دکھانی ہوگی: ہر ی پرساد
بنگلور و،4/اکتوبر (ایس او نیوز/ایجنسی ) کانگریس لیڈر اور قانون ساز کونسل کے رکن بی کے ہری پرساد نے مطالبہ کیا ہے کہ بہار حکومت کی طرح کرناٹک حکومت کو بھی ریاست میں پہلے سے تیار گرده پسماندہ طبقات کی ذات کی رپورٹ کا انکشاف کرنا چاہئے ۔
منگل کو ایکس میں اس پر تبصرہ کرتے ہوئے انہوں نے کہا کہ ہمارے رہنما راہل گاندھی نے ذات پات کی مردم شماری کے انکشاف اور پسماندہ طبقات کے ساتھ ہونے والی نا انصافی کے خلاف آواز اٹھائی ہے۔
بہار حکومت کی طرح کرناٹک حکومت کو بھی پسماندہ طبقات کی ذات کی رپورٹ کو ظاہر کرنے کی ہمت دکھانی ہوگی جو ریاست میں پہلے سے تیار ہے۔ انڈ یا اتحاد کی حکومت والی ریاست بہار میں ذات پات کی مردم شماری کی رپورٹ جاری کرنے کا حکومت کا تاریخی اقدام قابل ستائش ہے۔
ہری پر ساد نے واضح کیا کہ کانگریس پارٹی کا سائنسی رویہ ہے کہ ذات پات کی مردم شماری رپورٹ پسماندہ اور استحصال زدہ سمیت تمام طبقات کی ترقی میں مدد کرتی ہے۔
معلوم رہے کہ بہار حکومت نے لوک سبھا انتخابات سے قبل پیر کو اپنی متنازعہ ذات پر یعنی مردم شماری کے نتائج جاری کر دئیے ۔ ذات پات کی مردم شماری سے پتہ چلتا ہے کہ ریاست کی 63 فیصد آبادی دیگر پسماندہ طبقات ( اوبی سی ) سے تعلق رکھتی ہے۔