ہوناور میں 3موٹر بائکس کےدرمیان ٹکر۔ پانچ افراد ہوئے زخمی
ہوناور،19؍جنوری (ایس او نیوز) شہر کی فاریسٹ کالونی کے قریب تین موٹر بائکس کے درمیان ٹکر ہوئی جس میں پانچ افراد زخمی ہوگئے۔
موصولہ رپورٹ کے مطابق فاریسٹ کالونی کے قریب ہائی وے پرایک اجنبی بائک سوارنے بڑی تیز رفتاری اور بے پروائی کے ساتھ اپنی گاڑی اننت کمار ہیگڈے نامی ایک اور بائک سوار سے ٹکرادی اور اپنی بائک روکے بغیر ہی موقع پر سے فرار ہوگیا۔
اجنبی کی بائک تکرانے سے ہیگڈے کا توازن بگڑ گیااوراور اس کی گاڑی سامنے سے آ رہی امتیاز شیخ نامی شخص کی موٹر بائک سے ٹکرا گئی۔ اس کے نتیجے میں بائک پر موجود مھمد نیہان، مذکر اور مازین نامی تین بچے زخمی ہوگئے۔ تمام زخمیوںکو تعلقہ اسپتال میں داخل کرکے علاج کیا جارہا ہے۔ اس ضمن میں ہوناور پولیس اسٹیشن میں کیس درج کرلیا گیا ہے۔