چندریان 3: چوتھے مرحلے کو عبور کرتے ہوئے چاند کے قریب پہنچا
بینگلورو/چنئی،17/اگست (ایس او نیوز/ایجنسی) ہندوستان کے تیسرے چاند مشن چندریان3 نے بدھ کی صبح چوتھا مرحلہ عبور کیا اور اپنی منزل کے قریب پہنچ گیا- یہ عمل چندریان کیلئے بہت اہم تھا اورآج (17 اگست کو) چندریان-3 لینڈر ماڈیول (ایل ایم) پروپلشن ماڈیول (پی ایم) سے الگ ہو گا-
انڈین اسپیس ریسرچ آرگنائزیشن (اسرو) نے مطلع کیا کہ چندریان 3 نے چاند کے مدار کے ایک اور چکر کا مرحلہ کامیابی سے مکمل کر لیا ہے اور اب چاند کے مدار کے قریب پہنچ گیا ہے - چندریان اب چاند کے چوتھے مدار میں داخل ہو گیا ہے - چندریان خلائی جہاز اب چاند کی سطح سے صرف 163 کلومیٹر کے فاصلے پر ہے -
اسرو نے کہا کہ اب تیاری کا وقت ہے کیونکہ پروپلشن ماڈیول اور لینڈر ماڈیول اپنے الگ الگ سفر کیلئے تیار ہیں - آج چندریان نے ایک اور مدار عبور کیا اور چاند کے قریب پہنچ گیا- وہیں 17/اگست کا دن مشن کیلئے اہم ہو گا کیونکہ اس دن چندریان3کا پروپلشن ماڈیول لینڈر سے الگ ہو جائے گا-
اسرو نے ٹویٹ کیاکہ آج کی کامیاب فائرنگ کے بعد، چندریان3کو 153کلومیٹر ضرب 163کلومیٹر کے مدار میں نصب کردیا ہے - اس کے ساتھ ہی چندریان3چاند سے متعلق ایک اور عمل کو مکمل کرکے بعد آگے بڑھ گیا ہے -
اسرو نے کہاکہ یہ تیاریوں کا وقت ہے کیونکہ پروپلشن ماڈیول اور لینڈر ماڈیول اپنے الگ الگ سفر کیلئے تیار ہیں -”5اگست کو چندریان 3کے چاند کے مدار میں داخل ہونے کے بعد یہ خلائی جہاز اب تک چار مراحل عبور کر کے چاند کے بہت قریب پہنچ چکا ہے - اس کے بعد 23اگست کو چندریان 3کو چاند کی سطح پر اترنا ہے جس پر پوری دنیا کی نگاہیں ہوں گی-
خلائی ایجنسی نے کہا کہ چندریان 3توقع اور معمول کے مطابق کام کر رہا ہے -اس پورے مشن کے دوران، خلائی جہاز کی یورپی خلائی ایجنسی (ای ایس ای) اور جے پی ایل ڈیپ اسپیس اینٹینا کے تعاون سے مسلسل اسرو ٹیلی میٹری، ٹریکنگ اینڈ کمانڈ نیٹ ورک (آئی ایس ٹی اے آر سی) میں مشن آپریشن کمپلیکس (ایم او ایکس)، بنگلورو کے قریب بیالو میں انڈین ڈیپ اسپیس نیٹ ورک (آئی ایس این) اینٹینا کی نگرانی کی جارہی ہے -