کمٹہ:26؍اکتوبر(ایس اؤ نیوز)تعلقہ کے ہوسہیروٹا کے قریب مزدوری کے لئے پیدل جانے کے دوران خاتون کے گلے سے سونے کا چین  کھینچ کر فرار ہونے کی کوشش اُس وقت ناکام ہوگئی جب پولس نے چین کھینچنے والے ملزم کو گرفتار کرلیا اور سونے کا ہار برآمد کرلیا۔  یہ واردات سنیچر کو پیش آئی ہے۔

موصولہ اطلاعات کے مطابق 52سالہ تارا نامی خاتون پیدل جارہی تھی تو ایک چور نے اس کا پیچھا کیا اور خاتون کے سرپر لکڑی سے حملہ کرنے کے بعد اُس کے  گلے میں موجود چین لے کر فرار ہونے کی کوشش کی۔ مگر پولس اُسے دھر دبوچنے میں کامیاب ہوگئی۔

ملزم کی شناخت ہوسہیر وٹا کے گنپتی مکری کی حیثیت سے کی گئی  ہے۔ اور پولس نے ملزم کی استعمال کردہ چیزوں جس میں ہتھیار اور بائک بھی شامل ہے کو ضبط کرلیا  ہے۔ ملزم کو عدالت میں پیش کرنےکے بعد اُسے  عدالتی تحویل میں جیل میں بھیج دیا گیا ہے۔ کارروائی میں سی پی آئی پرمیشور گنگا، پی ایس آئی ای سی سنپت کمارسمیت دیگر پولس اہل کار شریک تھے۔