ابوظہبی یکم / فروری ( ایس او نیوز) النوائط ابوظہبی کے پچاس سالہ جشن کے موقع پر جو تقریری و تحریری مقابلے کا اعلان کیا گیا تھا اورغزہ کے حالات کے پس منظر میں 50 سالہ جشن موخر کیے جانے کی وجہ سے ابھی تک اس مقابلے کے نتائج کا اعلان نہیں کیا گیا تھا ، اس سلسلے میں النوائط ابوظہبی کے ذمہ داران نے اطلاع دی ہے کہ جلد ہی نتائج اور تقسیم انعامات کی تقریب منعقد کی جائے گی ۔

    النوائط ابوظہبی کی طرف سے کہا گیا ہے کہ تقریری و تحریری مقابلے میں شرکاء کی دلچسپی کو دیکھتے ہوئے "اہل بھٹکل چو جماعتی نظام، امچی میراث امچو مستقبل" کے عنوان پر تحریر اور تقریر کی ویڈیو کلپ بھیجنے کی آخری تاریخ میں 15 فروری تک توسیع کی گئی ہے ۔ اس مقابلے میں دلچسپی رکھنے والوں سے گزارش کی گئی ہے کہ مقررہ تاریخ تک اپنی تحریر یا تقریر روانہ کریں ۔  موصولہ تمام مضامین اور تقاریر کی جانچ کی جائے گی اور انعام  کے حقداروں کا فیصلہ کیا جائے گا ۔ اس مقابلے کے لئے منجملہ ایک لاکھ روپے کے انعامات دئے جائیں گے ۔ 

    تقریری مقابلے کے لئے شرائط : ۱۔ زیادہ سے زیادہ تین منٹ کی تقریر ہو ۔ ۲۔ پندرہ سال سے کم عمر کے تمام بھٹکلی اس میں حصہ لے سکتے ہیں ۔ 
    تقسیم انعامات کی تقریب کی تاریخ اور مقام کا اعلان جلد ہی کیا جائے گا ۔ ۳۔ ویڈیو کلپ میں تقریر کرنے والے کا مناسب لباس میں رہے ۔ ۴۔ منتخب ویڈیو کلپس کی نمائش پچاس سالہ جشن کی تقریب میں کی جا سکتی ہے ۔ 

    تحریری مقابلے کے لئے شرائط : ۱۔ مضمون 400 الفاظ سے زیادہ نہ ہو ۔  ۲۔ عمر اور جنس کی کوئی قید نہیں ہوگی ۔ ۳۔ مضمون ٹائپ کرکے پی ڈی ایف کی صورت میں جمع کروایا جائے ۔ ۴۔ منتخب مضامین کو پچاس سالہ جشن کے سوینئر میں شائع کیا جائے گا ۔ مقابلے کے لئے ججس کا فیصلہ قطعی اور آخری ہوگا اور اس کے خلاف کوئی اپیل قابل اعتناء نہیں ہوگی ۔  

    مقابلے میں شرکت کے خواہشمند افراد اپنی تقریر کی کلپ اور مضمون  15 فروری تک ای میل کے ذریعے [email protected]  پر روانہ کریں ۔ 

    مزید تفصیلات یا پوچھ تاچھ کے لئے رابطہ قائم کریں : محب اللہ ایس اے 0503861197 ، مولوی نعمان جوکاکو 0501315379 ، آفتاب ایم  جے  0501315379