بھٹکل ساگر روڈ پر کار اُلٹ گئی؛ ایک شدید زخمی
بھٹکل 9/مئی (ایس او نیوز) یہاں تعلقہ کے ساگر روڈ پر ایک کار بے قابو ہوکر پلٹا کھاگئی جس کے نتیجے میں کار ڈرائیور شدید زخمی ہوگیا جس کی شناخت بھٹکل وی وی روڈ کے رہنے والے آنند بالگی (40) کی حیثیت سے کی گئی ہے۔
حادثہ جمعرات شام قریب پاونے چھ بجے اُس وقت پیش آیا جب تیز رفتار کار ایک موڑ پر اگلی سواری کو ٹکر مارنے سے بچنے کی کوشش میں بے قابو ہوکر پلٹاکھاگئی۔ کار پر سوار آنند کو فوری طور پر بھٹکل سرکاری اسپتال منتقل کیا گیا جہاں ابتدائی طبی امداد کے بعد اُسے منی پال شفٹ کیا گیا ہے۔
بتایا گیا ہے کہ کار کُنٹوانی سے بھٹکل آرہی تھی، جس کے دوران یہ حادثہ پیش آیا۔ قریب سے گذرنے والے ایک آٹو رکشہ ڈرائیور نے حادثے میں زخمی آنند کو فوری طور پر مقامی لوگوں کی مدد سے سرکاری اسپتال پہنچایا۔
حادثے میں کار کو بھی شدید نقصان پہنچا ہے۔
بھٹکل مضافاتی پولس تھانہ میں معاملہ درج کیا گیا ہے۔