کاروار:24؍نومبر(ایس اؤ نیوز)ریاست میں اقلیتی طلبا کو حکومت کی طرف سے جاری میٹرک، پوسٹ میٹرک، ودیا سری ، ارییوقرضہ جیسے اسکالرشپ منصوبہ جات کے نظام کو درست کرتےہوئے آسان کرنے ، بقیہ عرضیوں کو حل کرنے اور جن طلبا کی اسکالرشپ منظوری کی گئی ہے فوری ان کے کھاتے میں جمع کرنے اور پی ایچ ڈی اور ایم فل اسکالرشپ میں کی گئی کمی کو رد کرنےکا مطالبہ کرتے ہوئے  کیمپس فرنٹ آف انڈیا  نے کاروار میں پریس کانفرنس کا انعقاد کیا

سی ایف آی ضلعی ذمہ داران نے ریاست گیر مہم کا تعارف کراتے ہوئے کہاکہ کورونا وائرس اور لاک ڈاؤ ن کی وجہ سے عوام کے معاشی حالات ابترہے۔ اسکولوں میں فیس کے لئے والدین و سرپرستوں کو تنگ کیاجارہاہے ، اس سلسلے میں حکومت نے بھی کوئی رہنما خطوط جاری نہ کرتےہوئے زخم پر نمک چھڑکا ہے۔ ایسے میں اقلیتی طلبا کے اسکالرشپ اسکیموں کے نظام کی بدنظمی نے والدین وسرپرستوں کو مزید مشکلات میں ڈال دیا ہے۔

پریس کانفرنس میں سی ایف آئی کے عہدیداران نے حکومت پر الزام لگایا کہ  اقلیتی طلبا کے لئے جاری کی گئی اسکیموں کو جاری کرنے میں    ہرسال  کسی نہ کسی بہانے سے رکاوٹ پیدا کی جاتی ہے۔  کووڈ-19اور لاک ڈاؤن کی وجہ سے اکثر والدین و سرپرست پہلے ہی مشکلات میں گھرے ہوئے ہیں۔ ایسے میں وہ اپنے بچوں کی تعلیم کو جاری رکھنے کے لئے حکومتی اسکالرشپ پر انحصار کرتےہوئے رقم کے انتظار میں ہیں۔ اسکالرشپ کا انتظام بہت دقت بھر اہے اس کو آسان کرنے کا مطالبہ کیا۔

کیمپس فرنٹ آف انڈیا نے اس بات کا بھی مطالبہ کیا کہ اسکالر شپ کی جتنی عرضیاں باقی ہیں انہیں جلد از جلد قبول کیا جائے اور جلد ہی رقم بھی   منظور کی جائے۔ منظورہونے کے بعد متعلقہ طلبا کی رقم کو اکاؤنٹ میں جمع کرانے میں تیزی لائی جائے ۔ پی ایچ ڈی اور ایم فل کی اسکالرشپ میں کمی کرتے ہوئے جو سرکلر جاری کیاگیاہے اس کو واپس لیاجائے ۔ کلی طورپر اسکالرشپ کے نظام میں جو خامیاں اور کمیاں ہیں انہیں دور کرتے ہوئے اسکیموں کو آسان کرنے کا کیمپس فرنٹ آف انڈیا نے مطالبہ کیا ہے۔ پ

کانفرنس میں سی ایف آئی ریاستی سطح کے ممبر عمران پی جے، ضلع صدر عرفان ، ضلعی نائب صدر اسماعیل  اور ضلع کمیٹی ممبر ایان موجود تھے۔