کاروار : پیدائش اور اموات کا رجسٹریشن ای - جنم سافٹ ویئر سے کیا جائے ۔ ڈپٹی کمشنر نے دی افسران کو ہدایت
کاروار،4/ ستمبر (ایس او نیوز) ڈپٹی کمشنر مولئی موہیلن نے بلدیہ چیف افسران اور تحصیلداروں کو ہدایت دی ہے کہ پیدائش اوراموات کی تفصیلات کا اندراج صد فی صد ای-جنم سافٹ ویئر سے ہی کیا جائے ۔
انہوں نے ویڈیو کانفرنسنگ کےذریعے ضلع کوآرڈینیشن کمیٹی کے سہ ماہی اجلاس کی صدارت کرتے ہوئے افسران کو یہ ہدایات جاری کیں ۔ انہوں نے کہا کہ سرکاری دفاتر میں ریکارڈس کو صحیح ڈھنگ سے رکھا جانا چاہیے ۔
انہوں یہ ہدایت بھی دی کہ جب اموات کا رجسٹریشن کرنا ہوتو پھر ڈاکٹروں کی طرف سے دی گئی موت کا سبب بتانے والی ڈیتھ سرٹفکیٹ لینے کے بعد اس کا پوری طرح جائزہ لینے کے بعد معلومات کا اندراج کیا جائے ۔ پیدائش اوراموات کے سرٹفکیٹ دیتے وقت اس پر ڈیجیٹل دستخط ہوں ۔
اس اجلاس میں ڈی ایچ او ڈاکٹر شرد نائیک، محکمہ بہبودیء خواتین و اطفال کے ڈپٹی ڈائریکٹر، ضلع پنچایت ڈپٹی سیکریٹری، مختلف مقامات کے تحصیلدار، پولیس افسران اور دیگر محکمہ جاتی افسران موجود تھے ۔