کورونا وائرس : دنیا بھر میں ‌ایک دن میں‌ ریکارڈ 2 لاکھ 84 ہزار کیسز

Source: S.O. News Service | Published on 26th July 2020, 12:48 PM | ملکی خبریں | عالمی خبریں |

جنیوا؍بیجنگ؍نئی دہلی،26؍جولائی (ایس او نیوز؍ایجنسی)  امریکہ میں لگاتار چوتھے روز بھی ایک ہزار سے زائد افراد ہلاک ہوئے ۔عالمی ادارہ صحت کے مطابق کورونا وائرس سے 24 جولائی کو دنیا بھر میں سب سے زیادہ پونے 3 لاکھ سے زائد کیسز رپورٹ ہوئے ۔ یہ تعداد 2 لاکھ 84 ہزار 196 رہی جو اب تک ایک دن میں وائرس کے شکار افراد کی سب سے بڑی تعداد ہے۔

ڈبلیو ایچ اوکے مطابق زیادہ ترکیسز ہندوستان ،امریکہ، جنوبی افریقہ اور جنوبی امریکہ کے خطہ سے سامنے آئے ۔دوسری جانب ایشیا میں میں بھی وائرس تیزی سے پھیلنے لگا ہے۔ چین میں کورونا کے مزید 34 کیسز سامنے آئے ہیں جن میں 20 متاثرین کا تعلق سنکیانگ کے مغربی علاقے، 9 کا تعلق شمال مشرقی صوبہ لیاؤننگ سے ہے جبکہ دیگر 5 افراد بیرونِ ملک سے آئے تھے۔ ہندوستان میں وائرس کا تیزی سے پھیلاؤ جاری ہے۔

عالمی خبررساں ایجنسی کے اعدادوشمار کے مطابق گزشتہ ہفتہ کے مقابلہ میں رواں ہفتہ کے دوران 40 ممالک میں متاثرین کی تعداد بڑھنے لگی ہے، آسٹریلیا کی ریاست وکٹوریہ میں کورونا وائرس کے متاثرین میں مسلسل اضافہ ہونے لگا، ہفتہ کو وکٹوریہ میں 357 نئے کیسز سامنے آئے اور پانچ ہلاکتیں ہوئیں۔ جنوبی کوریا میں ہفتہ کو 113 نئے متاثرین کی تصدیق ہوئی جو تین مہینوں میں یومیہ متاثرین کی تعداد میں سب سے بڑا اضافہ ہے۔

ایک نظر اس پر بھی

دہلی میں ای-گاڑی پالیسی کا اعلان، الیکٹرک گاڑیوں کی خریداری پر رعایت ملے گی

ہلی کی اروند کیجریوال حکومت نے دارالحکومت کو آلودگی سے پاک کرنے کے منصوبے کے تحت جمعہ کے روز ای- گاڑی پالیسی کو نافذ کرنے کا اعلان کیا، جس میں مختلف زمروں کی الیکٹرک گاڑیاں خریدنے کے لئے 30 ہزار سے لے کر 1.5 لاکھ روپے تک رعایت دی جائے گی۔

بے لگام میڈیا پر جمعیۃ کی عرضی: جب تک عدالت حکم نہیں دیتی حکومت خود سے کچھ نہیں کرتی: چیف جسٹس

مسلسل زہر افشانی کرکے اور جھوٹی خبریں چلاکر مسلمانوں کی شبیہ کوداغدار اور ہندوؤں اورمسلمانوں کے درمیان نفرت کی دیوارکھڑی کرنے کی دانستہ سازش کرنے والے ٹی وی چینلوں کے خلاف داخل کی گئی

دہلی فسادات: پروفیسر اپوروانند کی حمایت میں سامنے آئے ملک و بیرون ملک کے دانشوران

 ملک اور بیرون ملک کے ایک ہزار سے زائد معروف دانشوروں، نوکر شاہوں، صحافیوں، مصنفوں، ٹیچروں او اسٹوڈنٹس نے دہلی یونیورسٹی کے پروفیسر اپوروانند سے مشرقی دہلی میں فسادات کے معاملے میں پوچھ گچھ کئے جانے اور انکا موبائل فون ضبط کرنے کے واقعہ کی شدید مذمت کی ہے اور پولیس کے ذریعہ ...

کالعدم چینی کمپنیوں سے بی جے پی کے گہرے رشتے ہیں: کانگریس

 کانگریس نے الزام عائد کیا ہے کہ حکومت نے قومی سلامتی کے لیے خطرہ بتاتے ہوئے جن چینی کمپنیوں پر پابندی لگائی ہے ان میں سے کئی کے بھارتیہ جنتا پارٹی (بی جے پی) سے گہرے رشتے ہیں اور گزشتہ عام انتخابات میں ان کمپنیوں نے اس کے لیے تشہیری مہم کا کام کیا تھا۔

سری لنکا: عام انتخابات میں مہندا راج پکشے کی جماعت فتح یاب

سری لنکا کے وزیر اعظم مہندا راجپکشے کی زیرقیادت سری لنکا پڈوجانا پیرامونا (ایس ایل پی پی) نے پارلیمانی انتخابات میں زبردست فتح حاصل کی۔ ملک میں 225 نشستوں کے لئے ہونے والے پارلیمانی انتخابات میں ایس ایل پی پی نے 145 نشستوں پر جیت درج کرکے دو تہائی اکثریت حاصل کرلی ہے۔

لبنان: تین روزہ قومی سوگ کا آغاز، عالمی امداد بھی جاری

لبنان میں جہاں ایک طرف زبردست دھماکے کی وجوہات کی تفتیش جاری ہے وہیں جمعرات سے تین روزہ قومی سوگ کا آغاز ہوگیا ہے۔ بیروت میں ہونے والے دھماکے میں 135 افراد ہلاک ہوئے تھے۔لبنان کے دارالحکومت بیروت میں منگل کے روز ہونے والے بم دھماکے سلسلے میں حکومت نے جس تین روزہ سوگ کا اعلان کیا ...

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...