بھٹکل 15/اپریل (ایس او نیوز) سکینڈ پی یو سی  سائنس اسٹریم میں  انجمن بوائز پی یو کالج کو صد فیصد کامیابی ملی ہے، اور 83  طلبہ میں سے سبھی 83طلبہ کامیاب ہوگئے ہیں۔ اس بات کی اطلاع کالج پرنسپال  یوسف کولا  نے دی۔یاد رہے کہ 10 اپریل کو آن لائن کے ذریعے نتائج ظاہر کئے گئے تھے،  لیکن  اب    پی یو  بورڈ  کی طرف سے    ریزلٹ شیٹ  جاری کی گئی ہے۔جس کے مطابق سائنس  اسٹریم میں انجمن بوائز  کے سبھی بچے کامیاب ہوگئے ہیں۔

بتاتے چلیں کہ انجمن   پی یو کالج(فور بوائز)   کا ایک طالب علم امتحان کے دوران غیر حاضر رہا  تھا، جس کی وجہ سے وہ لڑکا  ناکام ہوگیا تھا، لیکن امتحان میں غیر حاضر  کا شمار رزلٹ میں نہیں لیا جاتا، چونکہ 83 طلبہ امتحانات میں شریک ہوئے تھے اور شریک ہونے والے سبھی 83  طلبہ کامیاب ہوئے ہیں، یہی وجہ ہے کہ پی یو بورڈ   کی جانب سے  موصولہ  رزلٹ شیٹ میں  انجمن  (سائنس اسٹریم)کو  صد فیصد کامیاب  کے زمرے میں لیا  گیاہے۔ 

یاد رہے کہ  کامرس اسٹریم میں انجمن کے  134 بچوں میں 131 بچے کامیاب ہوئے اور کامیابی کی شرح 97.76 فیصد رہی  جبکہ آرٹس میں  گیارہ میں نو کامیاب ہوئے اور کامیابی کی شرح 81.82  فیصد رہی۔ اب چونکہ سائنس اسٹریم میں  انجمن کو صد فیصد کامیابی ملی ہے، انجمن بوائز کی کامیابی کی شرح  97.84 فیصد درج کی گئی ہے۔ واضح رہے کہ گذشتہ سال  یعنی 2022-23 میں  اِس کالج کی کامیابی کی شرح 96.06  فیصد تھی۔

اِمسال سائنس میں  33  طلبہ نے  اور کامرس میں  سات طلبہ نے  امتیازی نمبرات سے کامیابی درج کی ہے۔