بھٹکل 6/جولائی (ایس او نیوز) تعلقہ کے منکولی  میں ایک نوجوان نے چھت سے لٹک کر خودکشی کی، جس کی شناخت ناگیش گنپتی نائک (26) کی حیثیت سے کی گئی ہے۔

بتایا گیا ہے کہ ناگیش گذشتہ کچھ عرصہ سے دماغی طور پر بیمار تھا اور اس کا علاج چل رہا تھا، آج جمعہ صبح جب اس کے گھر والے گھر سے باہر کام کاج کے لئے باہر گئے تھے، اس نے گھر کے اندر ہی رسی کی مدد سے چھت سے لٹک گیا۔ جیسے ہی دوپہر کو اس کا بھائی سمیت دیگر اہل خانہ گھر پہنچے   تو اُنہوں  نے ناگیش کو اوپر پھانسی پر لٹکتے ہوئے دیکھا اورفوری  اُسے نیچے اُتارا۔ اسےسیدھے بھٹکل سرکاری اسپتال لے جایا گیا، جہاں پہنچنے تک اس نے دم توڑ دیا۔

بتایا گیا ہے کہ مہلوک ناگیش منکولی میں ٹیلرنگ کا کام کرتا تھا، مگر بعد میں دماغی طور پر بیمار ہوجانے کی وجہ سے  علاج جاری تھا۔

بھٹکل سرکاری اسپتال میں پوسٹ مارٹم کے بعد لاش کو لواحقین کے حوالے کیا گیا ہے، بھٹکل ٹائون پولس تھانہ میں معاملہ درج کیا گیا ہے اور پولس مزید چھان بین کررہی ہے۔