سرسی میں 5 مارچ کو شروع ہورہا ہے دو روزہ کدمبا اُتسو؛ وزیراعلیٰ کے ہاتھوں ہوگا افتتاح؛ بھٹکل میں تشہیری ریلی کا اسسٹنٹ کمشنر کے ذریعے استقبال
بھٹکل :4؍مارچ؍ (ایس اؤ نیوز )اترکنڑا ضلع انتظامیہ ، محکمہ کنڑا اور سنسکرتی اور محکمہ سیاحت کے اشتراک سے کل 5/ مارچ کو سرسی تعلقہ کے بنواسی میں کدمبا اُتسو منعقد ہورہا ہے ، جس کا ریاست کے وزیراعلیٰ سدرامیاں کے ہاتھوں افتتاح ہوگا۔ اس اُتسو کی تشہیر کرنے اور عوام میں بیداری پیدا کرنےکےلئے ضلع کے سبھی تعلقہ جات میں ’کدمبااُتسوا جیوتی ‘ کی ریلی نکالی جارہی ہے۔ اسی مناسبت سے کدمبا اُتسوا جیوتی کی ریلی ساگر تعلقہ سے ہوتےہوئے پیر کو ہاڈولی کے راستے بھٹکل پہنچی۔
اس موقع پر شمس الدین سرکل پر اسسٹنٹ کمشنر ڈاکٹر نینا نے بھٹکل تعلقہ انتظامیہ کی طرف سے استقبال کیا۔ آرتی کرنےکے بعد پھولوں کا ہار پہناکرنیک خواہشات کا اظہارکیا۔ دودن کے پروگرام میں ریاست اوردیگر ریاستوں کے مختلف فن کار اپنے فن کا مظاہرہ کریں گے۔ کوی سمیلن اور تاریخی اجلاس بھی ہوگا۔
بھٹکل میں کدمبا اُتسوا جیوتی ساگر کا استقبال کرنے کے موقع پر تعلقہ پنچایت افسر اور بی ای اؤ وی ڈی موگیر، اکشر داسوھا کے معاون ڈائرکٹر پربھا کر چکنمنے ، آر ایف اؤ شرتھ شیٹھ، تحصیلدار دفتر کی وجئےلکشمی منی ، روینیو افسر وشوناتھ گاؤنکر، سوسگڑی ولیج اکاؤنٹنٹ چاند پاشا مُلا، میونسپالٹی صحت عامہ افسر سوجیا سومن سمیت اے سی دفتر ،تحصیلدار دفتر اور تعلقہ پنچایت دفتر کا عملہ موجود تھا۔
