بھٹکل:29؍ ستمبر(ایس اؤ نیوز)تعلقہ سرکاری اسپتال بھٹکل میں  شری نواس میڈیکل کالج ، سورتکل کے اشتراک  سے اور مجلس اصلاح وتنظیم بھٹکل ، جرنلسٹ اسوسی ایشن بھٹکل ، جی ایس ایس بھٹکل ، کریا شیل گلئیرا  سنگھ بھٹکل ، برہم شری نارائن گرو سنگھ بھٹکل اور اسپندنا چارٹیبل ٹرسٹ بھٹکل کے تعاون سے یکم اکتوبر 2022بروز سنیچر کو  صبح 9بجے سے دوپہر 2بجے تک مفت میڈیکل چیک آپ اور مفت سرجری پروگرام  ہوگا۔

 کیمپ میں شری نواس میڈیکل کالج سورتکل میں خدمات انجام دے رہےسنئیر ماہر قلب ڈاکٹر سبرامنیم ، بچہ دانی اور پستان کینسر کی ماہر ڈاکٹر سنگیتااور جنرل میڈیسن ڈاکٹر انیتا سکویرا اپنی خدمات پیش کریں گے۔ کیمپ کے دوران شوگر، کولسٹرول، ای سی جی ، ایکو ، ڈاکٹروں کی صلاح پر دل کی  ٹی ایم ٹی جانچ ، بچہ دانی کی جانچ، پستان کی جانچ، بائیوپسی کی جانچ مفت میں کی جائےگی اسی طرح  آنجیو گرافی کی جانچ ، آنجیو پلاسٹی کاعلاج آیوشمان بھارت ۔آروگیہ کرناٹکا منصوبے کے تحت شری نواس میڈیکل کالج اسپتال میں مفت میں کیا جائےگا۔ عوام سے اپنی صحت کی جانچ کے لئے اس کیمپ سے بھرپور  استفادہ کی اپیل کی گئی ہے۔ کیمپ کےمتعلق زائد جانکاری کےلئے سرکاری تعلقہ اسپتال بھٹکل سے  رابطہ کیا جاسکتا ہے۔