عوامی سہولت کے لئےبھٹکل تعلقہ انتظامیہ کا اہم قدم۔ مقررہ قیمت پرفروخت کے لئے شیرالی میں دستیاب کی جائے گی ریت

Source: S.O. News Service | By I.G. Bhatkali | Published on 21st November 2020, 12:40 PM | ساحلی خبریں |

بھٹکل 21؍نومبر (ایس او نیوز)تعمیراتی کام کے لئے بنیادی ضرورت کی حیثیت رکھنے والی ریت کی مانگ ساحلی علاقوں میں بہت زیادہ بڑھ جانے کی وجہ سے ریت کے کاروباری اس کو بھاری قیمتوں پر فروخت کرنے لگے ہیں جس کی وجہ سے عوام کو بڑی دشواریوں کا سامنا کرنا پڑرہا ہے۔بھٹکل  اسسٹنٹ کمشنر بھرت ایس  کے مطابق اس مشکل سے عوام کو نجات دلانے کے لئے اب   تعلقہ انتظامیہ نے  تعلقہ کے شیرالی میں ریت ذخیرہ  مرکز قائم کرنے کا فیصلہ کیا ہے جہاں سے سرکاری تعمیراتی منصوبہ جات کے علاوہ عوام کی ضرورت کے لئے ایک مناسب اور مقررہ قیمت پر ریت فروخت کی جائے گی۔

 اخباری نمائندوں کے ساتھ گفتگو کرتے ہوئے اسسٹنٹ کمشنر نے بتایا کہ  پچھلے کچھ دنوں قبل ریت بہت ہی مہنگی قیمتوں پر فروخت  کیے جانے کی شکایتیں موصول ہوئی تھیں۔اس پس منظر میں تعلقہ انتظامیہ نے فیصلہ کیا ہے کہ عوام کو اتنی قیمت پر ریت فروخت کی جائے  جو ان کے بس میں ہو۔اس لیے شیرالی کے الوی کوڈی کے ایک مقام پر ریت ذخیرہ مرکز قائم کرنے کا فیصلہ کیا ہے۔سرکاری منصوبہ جات کے لئے 10ٹن ریت کی مقررہ قیمت 11250روپے ہوگی جب کہ عوام کے لئے یہ قیمت 12250روپے ہوگی۔اس میں ذخیرہ مرکز پر گاڑی میں ریت بھرنے (لوڈنگ) کی قیمت شامل رہے گی۔ریت کی اس مقررہ قیمت میں کمی بیشی ہوتی رہے گی۔

 جس کسی کو ریت کی ضرورت ہوگی اس کو ریت مرکز کے ہیلپ لائن نمبر 8123599266پر رابطہ کرسکتے ہیں۔ ریت کی خریداری کرنے پرقیمت نقد ہی اداکرنی ہوگی۔  ایک فیملی کو زیادہ سے زیادہ 30ٹن تک ریت فراہم کی جائے گی اورہفتے میں ایک یا دو مرتبہ ریت لے جانے کا موقع دیا جائے گا۔سرکاری منصوبہ جات سے متعلق ریت خرید نے کے لئے ٹھیکیدار کو متعلقہ پنچایت اوربلدی اداروں سے تصدیق نامہ اور ضروری دستاویزات  پیش کرنے ہونگے۔

 ووٹر لسٹ میں ناموں  کا اندراج :    پریس کانفرنس کے دوران  اسٹنٹ کمشنر بھرت نے بتایا کہ   الیکشن کمیشن آ ف انڈیا کی ہدایات کے مطابق ووٹر لسٹ میں نام داخل کرنے یا ترمیم و خارج کرنے کے سلسلے میں مہم چلائی جارہی ہے۔ اس وقت ووٹر لسٹ کا مسودہ جاری کیا گیا ہے۔ اس فہرست میں کسی کا نام داخل کرنا ہویا پھر خارج کرنا یا کسی قسم کی ترمیم کرنا ہوتو متعلقہ فارمس پر درخواستیں دی جاسکتی ہیں۔ اس طرح کی درخواستیں دینے کی آخری تاریخ  17دسمبر ہے۔ اس تعلق سے 22,29 نومبر کے علاوہ 6اور 13دسمبر کو خصوصی تشہیری مہم چلائی جائے گی۔18جنوری 2021کو ووٹرس کی تصاویر کے ساتھ قطعی فہرست شائع کی جائے گی ۔

ایک نظر اس پر بھی

کمٹہ ٹول گیٹ پر کنڑا رکھشنا ویدیکے نے کیا زبردست احتجاج۔ مقامی گاڑیوں کو ٹیکس سے چھوٹ اور مقامی افراد کو ملازمت کا مطالبہ

کرناٹکا رکھشنا ویدیکے کی قیادت میں کئی تنظیموں نے مل کر کمٹہ کے قریب نیشنل ہائی وے پر واقع ’ہولے گدّے‘ٹول پلازہ کے روبرو ٹھیکیدار کمپنی آئی آر بی کےخلاف نعرے بازی کرتے ہوئے زبردست احتجاج کیا اورمطالبہ کیا کہ ٹول پلازہ پر نوکریوں میں  مقامی افراد کو ترجیج دینے کے علاوہ مقامی ...

اترکنڑا میں 2219راشن کارڈس کو کیا گیا رد، 5.64لاکھ روپئے بطور جرمانہ وصول: بھٹکل میں بھی 142لوگوں کے کارڈس رد

محکمہ تغذیہ اور شہری سپلائی کی جانب سے نااہل راشن کارڈ کا پتہ لگانےکی کارروائی جاری ہے، فی الحال اب تک ضلع میں 2219راشن کارڈ رد کئے جاچکے ہیں اور متعلقہ افراد سے 564363روپئے بطور جرمانہ وصول کئے جانے کی جانکاری موصول ہوئی ہے۔

یلاپور میں عوامی جگہ کو جوے کا اڈہ بناکر رکھنے کے الزام میں تین گرفتار :27ہزار سے زائد روپیہ ضبط

شہر کے تٹگار کراس کے قریب قومی شاہراہ پر عوامی جگہ کو جوے کا اڈہ بنا کر لوگوں کے درمیان  جوا کھیلنے کے الزام میں یلاپور پولس نے تین لوگوں کو گرفتار کرلیا ہے اور اُن کے پاس سے 27880روپئے ضبط کرلئے ہیں۔

بھٹکل انجمن ڈگری کالج اینڈپی جی سنٹر کے ایم کام فائنل میں 100فی صد نتائج

انجمن ڈگری کالج اینڈ پی جی سنٹر بھٹکل کے شعبہ کامرس نے  ایم کام فائنل سمسٹر میں صدفی صد نتائج حاصل کرتے ہوئے پھر ایک بار تعلیمی قابلیت منوانے میں  انجمن کامیاب ہوگیا ہے۔کرناٹک یونیورسٹی دھارواڑ کی جانب سے ستمبر اکتوبر 2020میں ایم کام فائنل کے امتحانات منعقد ہوئے تھے۔ طلبا کی ...

انکولہ ہوائی اڈہ پروجیکٹ: مقامی عوام کے ساتھ میٹنگ میں پروجیکٹ پرسخت  اعتراض؛ میٹنگ کا کیابائیکاٹ 

انکولہ میں مجوزہ شہری ہوائی اڈے کی تعمیر کے سلسلے میں درپیش تحویل اراضی اور دیگر مسائل پر مقامی عوام کے ساتھ گفتگو کرنے اور ان کا احوال سننے کےلئے  ایڈیشنل ڈپٹی کمشنرایچ کے کرشن مورتی نے بیلے کیری میں  ایک میٹنگ منعقد کی۔

کاروار: اقلیتوں کے لئے اسکالرشپ اسکیموں میں آسانی پیدا کرنے اور رقم کو طلبہ کے کھاتے میں فوری جمع کرانے کا مطالبہ لے کر کیمپس فرنٹ آف انڈیا کی پریس کانفرنس

ریاست میں اقلیتی طلبا کو حکومت کی طرف سے جاری میٹرک، پوسٹ میٹرک، ودیا سری ، ارییوقرضہ جیسے اسکالرشپ منصوبہ جات کے نظام کو درست کرتےہوئے آسان کرنے ، بقیہ عرضیوں کو حل کرنے اور جن طلبا کی اسکالرشپ منظوری کی گئی ہے فوری ان کے کھاتے میں جمع کرنے اور پی ایچ ڈی اور ایم فل اسکالرشپ میں ...