نیو شمس اسکول بھٹکل کے شعبہ بنات میں رقیہ ڈاکٹر یحیٰی عسکری ’ نجمِ اخوان‘ گولڈ میڈل
بھٹکل :2 جنوری (ایس اؤ نیوز )نیو شمس اسکول بھٹکل کے سید علی کیمپس میں منعقدہ سالانہ جلسے میں بنات کے شعبہ میں عزیزی رقیہ بنت ڈاکٹر محمد یحیٰی ٰ عسکری کو رواں سال کے ’نجمِ اخوان‘ گولڈ میڈل کے ایوراڈ سے سرفراز کیاگیا ۔
اسکول کی ہونہار طالبہ رقیہ عسکری کو جلسہ کی مہمان خصوصی محترم زینت آپا عبدالغنی رکن الدین نے گولڈ میڈل پہناتے ہوئے اعزاز بخشا ۔ اس موقع پر انجمن پی یو کالج فارویمن کی پرنسپل محترمہ ڈاکٹر فرزانہ محتشم اور نذیفہ نذیر احمد قاضی بطور اعزازی مہمان موجود تھیں۔ جلسہ میں اسکول کی سطح پر منعقد ہونے والے ثقافتی، تعلیمی اور کھیل مقابلوں میں جیت حاصل کرنےو الی طالبات کے درمیان انعامات کی تقسیم عمل میں آئی۔
جلسہ کا آغاز عزیزی آمنہ بنت عبدالباسط کی تلاوت قرآن سے ہوا۔ محترمہ جبین نے استقبال کیا تو محترمہ راحت محتشم نے شکریہ اداکیا۔ عزیزی عروہ مومن اور عزیز فائحہ فواز سدی باپا نے نظامت کے فرائض انجام دئیے۔
