بھٹکل:12؍جولائی  (ایس اؤ نیوز) مشہور سیاحتی مرکز مرڈیشور کے مین روڈ کی توسیع کو لےکرآر این ایس ہائی وے ہوٹل ہال میں  رکن اسمبلی سنیل نائک کی صدارت میں اعلیٰ افسران کی میٹنگ منعقد ہوئی ۔

مرڈیشور میں داخلےوالے مین گیٹ سے مندر تک طئے شدہ 18میٹر کی توسیع کو عوام کی جائیداد ، ملکیت کو نقصانات سے بچانے کے لئے 16میٹر کم کرکے ایک ہفتہ میں منصوبہ تشکیل دیں۔ بھٹکل اسسٹنٹ کمشنر کی رہنمائی میں نیشنل ہائی وے اتھارٹی انجنئیر قانون کے مطابق زمین مالکان کو نوٹس جاری کریں، ہر ایک کو اعتماد میں لے کر 20دنوں میں سروے کام انجام دیں۔ اگر عمارات  کو کہیں زائد نقصان پہنچ رہاہے تو رعایت دینے کےلئے میٹنگ میں ہدایات جاری کی گئیں۔

 مین روڈ کنارے کے زمین مالکان میٹنگ میں حاضر رہتے ہوئے اپنی آراء ، مشورے وغیرہ کے متعلق رکن اسمبلی اور افسران کی توجہ مبذول کروائی ۔ تعلقہ پنچایت کارگزار افسر پربھا کر چکن منے ، بھٹکل ڈی وائی ایس پی ویلنٹائن ڈیسوزا ، ماولی 1اور2گرام پنچایت کے صدور ، پنچایت ترقی جات افسران میٹنگ میں موجود تھے۔ اس کے بعد رکن اسمبلی سنیل نائک نے افسران کے ساتھ مین روڈ پہنچ کر معائنہ کیا۔