بھٹکل:22؍جنوری(ایس اؤ نیوز)محکمہ تحصیل میں کئی سارے مسائل فائلوں کی دھول چاٹ رہے ہیں، انہیں کوئی پوچھنے والا نہیں ہے، اس سلسلے میں حل کے لئے کارروائی کامطالبہ لےکر بھٹکل کے رکن اسمبلی سنیل نائک نے بدھ کو وزیر برائے تحصیل آر اشوک کو میمورنڈم سونپا۔

کمٹہ  کے پروگرام میں شرکت کے لئے جارہے  موصوف وزیر سےبھٹکل میں  رکن اسمبلی کا وفد ملاقات کرتے ہوئے انہیں متعلقہ مسائل کی طرف توجہ دینے کی مانگ رکھی گئی ۔ ای۔ جائیداد کا مسئلہ کافی پیچیدہ ہوگیا ہے، اس کو آسان کیا جائے، ای جائیداد معاملے میں اترکنڑا کو رعایت دیں۔ بھٹکل کے منی ودھان سبھا کی تعمیراتی تکمیل کے لئے 3.15کروڑروپیوں  کی ضرورت ہے اس امداد کو منظوری دیں۔ سروئیر محکمہ میں خدمات انجام دے رہے عملے کی باقی تنخواہیں فوری ادا کرنے کے مطالبات رکن اسمبلی نے وزیر کے سامنے رکھیں۔

شرالی گرام پنچایت صدر وینکٹیش نائک نے شرالی میں قومی شاہراہ کی چوڑائی 45میٹر کئے جانے کی مانگ لے کر الگ سے میمورنڈم سونپا۔ رکن اسمبلی نے اس کی حمایت کرتے ہوئے کہاکہ شرالی کے عوام کو اس تعلق سے مسائل کا سامنا ہے، امید ہے کہ سرکار اس سلسلےمیں اقدام کرے گی۔ بھٹکل اسسٹنٹ کمشنر ساجد ملا، تحصیلدار وی پی کوٹرولی ، آب پاشی انجنئیر ایم جے نائک سمیت کئی لوگ موجو د تھے۔