بھٹکل:29؍اکتوبر(ایس اؤ نیوز) کیار طوفان کے تھمنے کے بعد جیسے ہی سمندر خاموشی کی طرف لوٹنے کے امکانات نظر آنے لگے تو ہاتھ باندھے خاموش بیٹھے ماہی گیر بھی سمندر میں مچھلی شکار کے لئے لوٹنےکی تیار ی میں ہیں۔ گزشتہ 8-10دنوں سے طوفان کی وجہ سے مزدوری سےمحروم گھروں میں وقت گزاری کرنےو الے ماہی گیروں کےچہروں پر مسکراہٹ کھیلتی دیکھی گئی۔

منگل کی صبح صبح کچھ مشینی کشتیاں ،4-5بوٹ سمندر میں مچھلی شکار کے لئے لوٹیں، بعض ایک کشتیاں سمندر میں مچھلیاں نہیں ملنے سے کنارے لوٹنے لگیں۔ دوپہر ہوتے ہوتے کئی کشتیاں سمندر میں مچھلی شکار کے لئے لوٹنے لگیں تو ماہی گیری دوبارہ اپنی پٹری پر آنے کے امکانات ظاہر کئے جارہےہیں۔

امسال موسم باراں کے بعد سمندر میں ماہی گیر ی شروع ہوکر تین چار مہینے ہورہےہیں اسی دوران   ماہی گیر  قریب ایک مہینے تک  سمندر میں مچھلی شکار نہیں کرسکے  ہیں، جس  سے انہیں کافی نقصان پہنچا ہے۔ سمندرمیں طوفان، تیز رفتار ہوائیں ، طوفانی موجیں ماہی گیروں کو سمندر میں اترنے سے روکتی رہی ہیں،اب جب کہ دوبارہ سمندرمیں مچھلی شکار کے لئے اترے  ہیں تو بتایا جارہاہے کہ اگلے 3مہینے ماہی گیروں کے لئے بہت ہی فیصلہ کن ہونگے، ماہی گیروں کو اس چیلنج کو قبول کرتے ہوئے آگے چلنے کی ضرورت ہونےکی بات کہی جارہی ہے۔