بھٹکل :4؍مارچ؍   (ایس اؤ نیوز )بھٹکل کی سرحد پر واقع قومی شاہراہ کےٹول گیٹ پر ایمبولنس اور وی آئی پی کو لین ون پر سہولت فراہم کرتےہوئے  دیرینہ مانگ کو پوراکیا گیا ہے۔ اس  لین ون پراب  ایمبولنس ، وی آئی پی اور فوری ضرورت والی  سواریاں گذر سکیں گی۔

اس سے قبل ایمبولنس والوں کو  ٹول گیٹ سامنے نظر آتے ہی سڑک کے ایک کنارے سے  ہوکر ٹول گیٹ کو گذارنا  پڑتا تھا اور سڑک کنارے اکثر جانوروں  کا جمگھٹا رہنے کی وجہ سے ایمبولنس ڈرائیوروں کو بے حد سنبھال کر آگے بڑھنا پڑتا تھا۔ اس  مشکل کو دیکھتے ہوئے    ایمبولنس ڈرائیور وں نے ٹول گیٹ حکام سے اپیل  کی تھی  کہ  تیز رفتار ایمبولنس کے لئے سیدھے سیدھے روڈ پر آگے بڑھنے کے لئے راستہ دیاجائے۔اب  لین ون پر ایمبولنس کو راستہ فراہم  کئے جانے کے بعد  ایمبولنس ڈرائیوروں نے نہایت مسرت کا اظہار کیا ہے  اورفیصلے کا خیر مقدم کرتےہوئے ایمبولنس ڈرائیوروں کی طرف سے ٹول گیٹ مینجر کو پھول اور مالائیں  پیش کرکے  ٹول گیٹ مینجر راجن نائر کی ستائش کی ہے۔

اس موقع پر  ٹول انچارج یوگیش گوڈا، ٹول عملہ  دیپک کمار شٹی ، ایمبولنس ڈرائیور سنگھا کے نائب صدر اور رابطہ ایمبولنس ڈرائیور  امان اللہ شیخ، امول بوچرے، بابو موگیر، منگلو بھلوا، لائف کیر ایمبولنس کے ڈرائیور ونایک، منجو ودیگر عملہ موجود تھا۔