بھٹکل:3؍اگست (ایس اؤ نیوز) بنگلورو کے راج بھون میں منعقدہ تقریب  میں بھٹکل کے ڈی وائی ایس پی ویلنٹائن ڈیسوزا کوریاستی گورنر وجو بھائی والاکے ہاتھوں  صدر ہند تمغے سے نوازاگیا۔  یوم ِ جمہوریہ کی مناسبت سے محکمہ پولس میں قابل تعریف کارکردگی کا مظاہرہ کرنے والے افسروں کو دئیے جانے والے’’ صدر ہند تمغہ‘‘  ایک اعزاز کی حیثیت رکھتاہے۔

بھٹکل کے ڈی وائی ایس پی ویلنٹائن ڈیسوزا 1994میں پولس محکمہ میں سب انسپکٹر کے طورپر اپنی خدمات کی شروعات کی۔ منگلورو دیہی پولس تھانے میں پروبیشنری کی مدت مکمل کرنے کے بعد 29ستمبر 2001کو بھٹکل شہری پولس تھانے میں بحیثیت سے پی ایس آئی  اپنی سماجی فکر کی وجہ سے مشہور ہوئے۔  ہوناور میں اپنی سرویس کے دوران پولس عملے کے لئے ٹائلٹس کی تعمیر کرایا تھا۔ کارکلا میں نکلسیوں کے خلاف ہوئی کارروائی میں شریک رہنےوالے ڈیسوزادوسری مرتبہ بھٹکل کو  12مارچ 2018کو ترقی پاکر بحیثیت  ڈی وائی ایس پی اپنا عہدہ سنھالے ہوئے ہیں۔ شہر میں خاص کر ٹرافک نظام میں بہتری لاتے ہوئے ون سائڈ پارکنگ، ون وے رائڈنگ اور نو پارکنگ وغیرہ کو جاری کرتے ہوئے مشہورہوئے۔ بھٹکل علاقے کے اسکولوں اورکالجوں کے پروگراموں میں شریک ہوکر طلبا میں قانونی بیداری پیدا کرنے کی کوشش کرتےہیں۔ بھٹکل کے کھلے  پولس پریڈ میدان کو باڑ لگانا، 500لاری  مٹی ڈال کر میدان کو مسطح کرنا، پرانے ڈائس کو نکال کر جدید ڈائس کی تعمیر کرنا ان کا اہم کام ماناجاتاہے۔ بین الاقوامی باڈی بلڈنگ کے کھلاڑی کے طورپر ان کانام لیاجاتاہے۔ پولس خدمات اور کھیل کےمتعلق کئی ایوارڈ حاصل کئے ہیں۔ خیال رہے کہ انہیں 2009میں وزیراعلیٰ طلائی تمغہ سے بھی نوازا گیا تھا۔