بھٹکل میں کورونا کے تازہ معاملات سامنے آنے کے بعدکاروار میں ڈپٹی کمشنر نے بلائی پریس کانفرنس، کہا؛ بھٹکل ’کنٹینمنٹ زون‘ میں قوانین سخت کئے گئے ہیں

Source: S.O. News Service | By I.G. Bhatkali | Published on 9th May 2020, 12:41 PM | ساحلی خبریں |

کاروار9/مئی (ایس او نیوز)   ضلع ڈپٹی کمشنر نے اپنے دفتر میں پریس سے مخاطب ہوکر بتایا کہ وزارت داخلہ (ایم ایچ اے) کی طرف سے جاری کیے گئے رہنما اصولوں کے مطابق  بھٹکل تعلقہ کے دیگر علاقوں میں معاشی اور اقتصادی سرگرمیاں جاری رہیں گی، لیکن بھٹکل کو جو ’کنٹینمنٹ زون‘ میں رکھا گیا ہے اس کو آگے بڑھاتے ہوئے یہاں پر قوانین مزید سخت کیے جارہے ہیں۔جس کی پابندی بھٹکل کے ہرایک باشندے کو کرنی ہوگی۔

 ڈی سی نےبتایا کہ  جمعہ کو جو  12نئے پوزیٹیو معاملے سامنے آئے ہیں، اُس  کی وجہ سے عوام کو خوفزدہ ہونے کی ضرورت نہیں ہے۔ کیونکہ مریضوں کی تعداد زیادہ ہونا  زیادہ اہمیت نہیں رکھتی،  بلکہ بیماری پر روک لگانے اور مریضوں کے صحت یاب ہونے کی شرح اہم ہوتی ہے۔کیونکہ ابھی یہ وباء ہمارے ضلع میں کمیونٹی سطح پر پھیلنے کے مرحلے میں نہیں پہنچی ہے۔ انہوں نے بتایا کہ  مریض نمبر 659کے رشتے دار منگلورو کے فرسٹ نیورو اسپتال میں گئے تھے اور وہاں سے واپس لوٹنے پر ان کے رشتے داروں اور کچھ خاص دوستوں میں یہ مرض پھیل گیا۔     ضلع ڈی سی نے بتایا کہ ضلع شمالی کینرا سے بہت سے عام مریض علا ج و معالجے کے لئے اڈپی اور جنوبی کینرا میں جاتے ہیں۔ طبی ضرورت کے تحت اجازت دی جاتی ہے۔ اگر فرسٹ نیورو اسپتال میں جانے والے افراد بھٹکل تعلقہ محکمہ صحت کے افسران کو خود ہی اس کی اطلاع دئے ہوتے تو اس مرض کواس طرح پھیلنے سے روکا جاسکتا تھا۔

یاد رہے کہ ضلع انتظامیہ نے سیل ڈاؤن کیے ہوئے علاقے سے کسی کو بھی باہر جانے یا اندر آنے کی اجازت نہ دینے کا فیصلہ کیا ہے۔ عوام کو اپنے گھروں تک ہی محدود رکھنے اور ان کی بنیادی ضرورتوں کو تعلقہ انتظامیہ اور کچھ مقامی رضاکاروں کی مدد سے پورا کرنے کا وعدہ کیا ہے۔ اس کے علاوہ قانون کی خلاف ورزی کرنے پر سخت ترین کارروائی کرنے کی بھی بات کہی ہے۔ 

ایک نظر اس پر بھی

مینگلور: کورونا کا پھر زبردست اچھال، 196کیس نکلے پوزیٹیو۔ اڈپی میں 41نئے معاملات؛ دونوں اضلاع میں 6 کی موت

آج بھی جنوبی کینرا میں کورونا نے اپنا قہر ڈھایا جس کے نتیجے میں ایک ہی دن میں 196معاملے پوزیٹیو نکلے ہیں۔جبکہ  ایک ہی دن میں 5افرادموت کا شکار ہوگئے جس کے ساتھ ضلع میں مرنے والوں کی تعداد46ہوگئی ہے۔

اُترکنڑا میں آج پھر کورونا کے 13 معاملات؛ بھٹکل میں تین کی رپورٹ پوزیٹیو؛ ایک شخص کی موت

اُترکنڑا میں آج کورونا کے 13 معاملات سامنے آئے ہیں جس میں تین بھٹکل سے  ہیں۔ اس دوران بھٹکل میں ایک 67 سالہ شخص کی موت بھی واقع ہوئی ہے جن کے تعلق سے پتہ چلا ہے کہ اُن کی رپورٹ کورونا پوزیٹیو آئی ہے۔

اڈپی ضلع میں 90پوزیٹیو معاملات۔کورو نا سے ہوئی چوتھی موت۔ کچھ ہوٹل کیے گئے سیل ڈاؤن۔کنداپور میں دوپہر 2بجے سے لاک ڈاؤن

اڈپی ضلع میں کل سنیچر کے دن جملہ 90افراد کی کووِڈ رپورٹ پوزیٹیو آئی ہے۔اسے ضلع میں پھر سے اچانک کورونا وباء کے اچھال کے طور پر دیکھا جارہا ہے۔اس طرح ضلع میں اب تک متاثرین کی تعداد بڑھ کر 1,567ہوگئی ہے۔