بھٹکل:19؍فروری(ایس اؤ نیوز) بھٹکل کرکٹ اکیڈمی میدان میں اتی کرم ہوراٹ گارر ویدیکے کی قیاد ت میں سونپی گئیں ہزاروں عرضیوں کے متعلق بھٹکل جالی پٹن پنچایت کو کسی بھی طرح کی کو ئی اطلاع دئیے بغیر تھصیلدار کی معرفت ڈپٹی کمشنر کو عرضیاں روانہ کرنے پر پنچایت ممبران نے سخت اعتراض جتایا ہے اور بھٹکل تحصیلدار ملاقات کرتے ہوئے اپنا اعتراض درج کیا ہے۔
یاد رہے کہ بدھ کو کرکٹ اکیڈمی میدان میں اتی کرم داروں کی طرف سے تحصیلدار دفتر کےسرکاری عملے نے عرضیاں وصول کیں تھیں، لیکن جالی پٹن پنچایت ممبران کا کہنا ہے کہ اس تعلق سے اُنہیں جانکاری نہیں دی گئی۔ پنچایت ممبران نے تحصیلدار سے سخت ناراضگی کا اظہار کرتے ہوئے کہا کہ اتی کرم داروں کی طرف سے آج یعنی 19افروری کو ریلی نکالنے کا منصوبہ تھا، لیکن پولس کی طرف سے اجازت نہیں دی گئی، اس دوران تحصیلدار نے بتایا کہ چونکہ اتی کرم دار مقامی تحصیلدار کی معرفت ضلع کے ڈی سی کے نام عرضیاں دے رہے تھے تو عرضیاں وصول کرنا ہمارا کام تھا، یہاں دفتر پر جھمیلہ ہوگا اور لوگوں کی بھیڑ جمع ہوجائے گی اسی لئے ہم نے اپنے عملے کو ہی وہیں بھیجا اور عرضیاں وصول کیں۔
اس موقع پر ممبران نے شکایت کی کہ جالی پنچایت علاقے کی ترقی کے لئے کوئی میٹنگ نہیں ہورہی ہےپنچایت علاقے میں کئی ساری بنیادی سہولیات نہ ہونے کو لے کر مسائل پائے جاتے ہیں جنہیں حل کرنے کے لئے کوئی میٹنگ نہیں بلائی جارہی ہے، ممبران نے کہا کہ پینےکے پانی کی سپلائی ، اندرونی نالیوں کی بد نظمی ، صفائی، ووٹرشناختی کارڈ میں بھی تجدید نہیں ہونے جیسے کافی مسائل ہیں جس کے تعلق سے فیصلے لینے ہیں ، لیکن میٹنگ نہ بلائے جانے سے عوام کو مشکلات درپیش ہیں۔ تحصیلدار نے یقین دلایا کہ اگلے ہفتہ پنچایت علاقے کی ترقی اور مسائل کے متعلق میٹنگ منعقدکی جائے گی۔ اس موقع پر پنچایت ممبران آفتاب دامودی ، بلال قمری ، ریشمہ ، فاطمہ وغیرہ موجود تھے۔