بھٹکل انجمن کالج آف ایجوکیشن کا سالانہ جلسہ :صرف نمبرات نہیں بلکہ شخصیت اور قابلیت بھی اہم : ساجد ملا
بھٹکل:28؍نومبر (ایس او نیوز)جو طلبا اساتذہ تربیتی کورس کو مکمل کئے ہیں وہ صرف درس وتدریس کی حد تک نہ رہیں بلکہ مسابقاتی امتحانات میں بھی شریک ہوتے ہوئے اعلیٰ عہدوں پر فائز ہونے کا بھٹکل اسسٹنٹ کمشنر ساجد ملا نے خیال ظاہر کیا۔
وہ یہاں انجمن حامئی مسلمین بھٹکل کی سرپرستی چلنے والی انجمن کالج آف ایجوکیشن کا سالانہ جلسہ میں بطور مہمان خصوصی بی ایڈ طلبا سے مخاطب تھے۔ موصوف نے کہاکہ زندگی آسان نہیں ہے، موجودہ دور مسابقاتی دور ہے صرف نمبرات کام نہیں آئیں گے بلکہ اپنی شخصیت ، قابلیت بھی بہت اہم ہیں ان سب کا مجموعی حاصل اعلیٰ عہدے ہوتے ہیں۔ اعزازی مہمان کاروار کے ڈی ڈی پی آئی نارائن گوند نایک نے کہاکہ معاشرے بہتراساتذہ کی عزت کرتاہے ، اساتذہ سماجی فکر کے ساتھ خدمت خلق میں بھی مصروف ہونے کی تلقین کی۔ انجمن ڈگری کالج اینڈ پی جی سنٹر بھٹکل کے سکریٹری محسن شاہ بندری نے پروگرام کی صدارت کی۔ کالج پرنسپال ڈاکٹر زکیہ زرزری نے کالج رپورٹ کی خواندگی کی۔ اس موقع پر طالبہ الماس نورہ محمد فاروق علی جی کو بہترین طالبہ کے ایوارڈ سے نوازاگیا۔
پروگرام کی شروعات ریشمہ خاتون کی تلاوت قرآن سے ہوئی ۔ جس کا اردو، انگریزی اور کنڑا ترجمہ سہانہ ، نیہا انجم اور مشفقہ نے پیش کیا۔ شائنہ نے ہدیہ نعت پیش کی۔ نشا اور ساتھیوں نے استقبالیہ ترانہ پیش کیا تو صباح آفرین نے استقبال کیا۔ پرتیکشھا اور سوچیترا نائک نے مہمانوں کا تعارف پیش کیا ۔ انجمن کے جنرل سکریٹری صدیق اسماعیل، کالج بورڈ سکریٹری آفتاب قمری وغیرہ ڈائس پر موجود تھے۔