بھٹکل 26/مئی (ایس او نیوز) یہاں آزادنگر فورتھ کراس میں ایک 22 سالہ نوجوان نے گھر کے ایک کمرے میں ہی چھت سے لٹک کر خودکشی کرلی جس کی شناخت محمد مستقیم شیخ کی حیثیت سے کی گئی ہے۔
پتہ چلا ہے کہ نوجوان المونیم کا کام کرتا تھا مگر شہر میں پچھلے دو ماہ سے جاری لاک ڈاون کی وجہ سے المونیم کا کام نہیں تھا، البتہ چھوٹا موٹا کام کرکے دو پیسہ حاصل کررہا تھا، کسی بات کو لے کر اس کے والد نے نوجوان کو کچھ برا بھلا کہا جس سے ناراض نوجوان نے منگل شام کو اپنے ہی گھر کے ایک کمرے میں پھانسی لے کر خودکشی کرلی۔
واقعے کی اطلاع ملتے ہی ٹاون پولس اہلکار موقع پرپہنچے اور جائزہ لینے کےبعد لاش کو پوسٹ مارٹم کے لئے سرکاری اسپتال منتقل کیا،پولس نے معاملہ درج کرتے ہوئے واقعے کے تعلق سے چھان بین شروع کردی ہے۔