بھٹکل میں رکن اسمبلی کے ہاتھوں نیشنل لیول کراٹے چمپئین شپ کا خوبصورت افتتاح
بھٹکل:22؍ڈسمبر (ایس او نیوز) شوٹ کان کراٹے انسٹی ٹیوٹ بھٹکل کے زیر اہتمام منعقدہ پہلے نیشنل لیول اوپن کراٹے چمپئین شپ –2018 کا بھٹکل رکن اسمبلی سنیل نائک نے آج سنیچر کو چراغ جلا کر افتتاح کیا۔
اس موقع پر خطاب کرتے ہوئے سنیل نائک نے کہاکہ کراٹےجسم کی حفاظت کرنے والا فن ہے جس میں خود اعتمادی بہت اہمیت رکھتی ہے، کراٹے ایک بیرونی ملک کا فن ہونے کے باوجود ہم بھارتیوں نے اس کو اپنایا ہے۔ جیسے ہی پتہ چلتاہے کہ یہ کراٹے مین ہے تو اس کو دیکھنےکا انداز بدل جاتاہے۔سنیل نائک نے کیا کہ کراٹے اسوسی ایشن کی تشکیل کرتے ہوئے اس کو ترقی دینے والے واسودیو نائک گرچہ آج ہمارے ساتھ نہیں ہیں، مگر منتظمین کو اس تعلق سے فکر مند ہونےکی ضرورت نہیں ہے ہم سب آپ کے ساتھ ہیں، انہوں نے منتظمین کو بتایا کہ اگر وہ بھٹکل میں کراٹے اسکول کے لئے ذاتی عمارت کی تعمیر کا ارادہ رکھتے ہوں وہ ترقی جات منصوبے سے امداد منظور کرکے دے سکتے ہیں۔
شوٹ کان کراٹے انسٹی ٹیوٹ کے صدر سریش نائک نے پروگرام کی صدارت کی۔ مہمان خصوصی کی حیثیت سے شریک ہوئیں ضلع پنچایت کی صدر جئے شری موگیر نے کہا کہ کراٹے خاص کر لڑکیوں کے لئے بے حد ضروری ہے، کراٹے کے ذریعے لڑکیاں اپنی حفاظت آپ کرسکتی ہیں۔ کسی بھی مشکل حالات کا وہ اس فن کے ذریعے بڑی دلیری کے ساتھ سامنا کرسکتی ہے۔
مین ریفری کے وی روی ،ڈی وائی ایس پی ویلنٹائن ڈیسوزا ،اترکنڑا ورکنگ جرنالسٹ اسوسی ایشن کے صدر رادھا کرشنا بھٹ، آٹو رکشا یونین کے صدر کرشنانائک آسارکیری ، اعزازی صدر گنگادھر نائک اور خصوصی مدعوئین کے طورپر وجئے وانی کے ایڈیٹر وویک مہالے موجود تھے، جنہوں نے اپنے اپنے خیالات کااظہارکیا۔ ڈائس پر مین کوچر سی راجن، ودیانجلی پبلک اسکول کے پرنسپال جوتش ایم ، ادارے کے اعزازی صدر کرن شانبھاگ، بھٹکل مسلم یوتھ فیڈریشن کے صدر امتیاز ادیاور وغیرہ موجود تھے۔
قومی سطح کے کراٹے چمپئین شپ کے لئے 7ریاستوں سے ہزاروں طلبا شریک ہوئے تھے۔ منجوناتھ نائک نے پرارتھنا کی تو استاد نارائن نائک نے نظامت کرتے ہوئے شکریہ اداکیا۔