مرڈیشور اسٹیشن پر تعمیری کام کی وجہ سے بھٹکل تک چلے گی بینگلورو ٹرین
اڈپی، 13 / مارچ (ایس او نیوز) کونکن ریلوے کی راستے پر 13 مارچ سے 16 مارچ تک بڑے پیمانے پر مرڈیشور اسٹیشن کا تعمیری کام انجام دیا جا رہا ہے اس وجہ سےبینگلور سے مرڈیشور تک چلنے والی ایکسپریس ٹرین چار دن تک مرڈیشور کے بجائے بھٹکل اسٹیشن تک ہی چلے گی ۔
کونکن ریلوے کی طرف سے جاری بیان میں کہا گیا ہے کہ 12 مارچ سے 16 مارچ تک سر وشویشوریا ٹرمنل بینگلورو سے نکلنے والی ٹرین نمبر 16585 مرڈیشور تک جانے کے بجائے بھٹکل اسٹیشن پر ہی رکے گی اور 13 مارچ سے 16 مارچ تک مرڈیشور سے بینگلورو ٹرمنل تک جانے والی ٹرین نمبر 16586 مرڈیشور کے بجائے اپنے مقررہ وقت پر بھٹکل اسٹیشن سے روانہ ہوگی ۔