بیلگام میں سرکاری بسیں نہ رکنے کی وڈیو سوشیل میڈیا پر وائرل، ناراض طلبا کی کنٹرولرس سے شکایت : مفت مسافر کہہ کر طلبا کی توہین کرنے کا الزام

Source: S.O. News Service | By Abu Aisha | Published on 25th September 2019, 7:25 PM | ساحلی خبریں | ریاستی خبریں |

بیلگام:25؍ستمبر(ایس اؤ نیوز)نارتھ ویسٹ کرناٹکا روڈ ٹرانسپورٹ کارپوریشن (NWKRTC) کی بیلگام ضلع کے دیہی اور شہری علاقوں میں دوڑنے والی بسوں کے ڈرائیوروں اورکنڈکٹروں کے متعلق شکایات موصول ہوئی ہیں کہ وہ دیہی اور نیم شہری علاقوں میں  طلبا کے مستقبل سے کھلواڑ کررہے ہیں۔

علاقے کے اسکول اور کالج جانے والے طلبا و طالبات نے الزام عائد کیاہے کہ بس ڈرائیور ہمیں بسوں میں چڑھنے سے روکتے ہیں جس کی وجہ سے ہمیں اپنے اسکول اور کالج پہنچنے میں دیری ہوجاتی ہے۔ خاص کر بیلگام اور خانہ پور تعلقہ جات سے زائد  شکایات مل رہی ہیں۔ طلبا کا الزام ہے کہ بسیں اپنی جائے مقررہ پر نہیں رکتیں البتہ وہ دیگر مسافروں کو  بسوں  میں سوار کراتے   ہیں بس پاس ہونے کے باوجود طلبا کو بسوں کے اندر چڑھنے نہیں دیاجاتا۔ طلبا نے کہاکہ بسوں کے ڈرائیور اور کنڈکٹر ’’مفت کے مسافر‘‘ کہتے ہوئے ان کی توہین کرتے ہیں۔

اس دوران طلبا نے ایک  بس کو   روڈ بلاک کرتےہوئے روکنے کی کوشش کی، مگر بس طلبا کے روڈ پر ہونے کے باوجود اُن پر ہی چڑھنے کی کوشش کی، جس کی وڈیو سوشیل میڈیا پر اب وائرل ہوگئی ہے۔ وڈیو میں دیکھا گیا ہے کہ بس کس طرح طلبا کے سامنے تیزی کے ساتھ آگے بڑھ رہی ہے، ایسے میں ایک طالب العلم بس کے بالکل بیچوں بیچ موجود ہے مگر  بس ڈرائیور کسی بھی ہچکچاہٹ کے ساتھ بے رحمی کے ساتھ بس کو آگے بڑھارہا ہے۔

طلبا کا کہنا ہے کہ متذکرہ بالا پریشانی ضلع بیلگام کے کئی ایک تعلقہ جات میں پائی جارہی ہے ۔طلبا کے مسائل پر وضاحت کرتےہوئے ڈویزنل کنٹرولر ایم آر منجی نے بتایا کہ بیلگام اور خانہپور تعلقہ جات کے طلبا کی طرف سے انہیں شکایت موصول ہوئی ہے اور وہ ان کی شکایات پر کاروائی کرتے ہوئے  متعلقہ شکایت کردہ مقامات پر کنٹرولرس کو نامزد کردیا ہے۔ انہوں نے بتایا کہ ان سبھی مقامات پر اب  کنٹرولر کو تعینات کیاگیا ہے جہاں بسیں نہیں رکتی ہیں۔منجی کے مطابق فی الحال چار مقامات پر کنٹرولر خدمات انجام دے رہے ہیں، مزید شکایتیں موصول ہونے پر ان میں اضافہ بھی ہوسکتاہے۔ انہوں نے یقین  دلایا  کہ طلبا کی  شکایت کے مطابق جن مقامات پرطلبا نے بسوں کو رکانے کے باوجود نہ رُکنے کی شکایت کی ہے   ان جگہوں کی نشاندہی کی جارہی ہے اور اگر ان میں سچائی پائی جاتی ہے تو پھر ان ڈرائیوروں کو معطل کردیا جائے گا۔ انہوں نے کہاکہ طلبا کو اسکولوں اور کالجوں کو پہنچنے سے کوئی بھی نہیں روک سکتا۔

ایک نظر اس پر بھی

منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں

مینگلور کے قریب پتورمیں ایک بزرگ مرد اور نوجوان لڑکی کا دوہرا قتل۔ مقتول بزرگ کی اہلیہ شدید زخمی

قریبی علاقہ  پتور کے ہوسمار علاقے میں ایک وحشت ناک دوہرے  قتل کی واردات پیش آئی ہے جس میں کوگّو صاحب (65 سال) اور ان کی نواسی سمیحہ بانو(16سال) جاں بحق ہوگئے ہیں جبکہ کوگّو صاحب کی اہلیہ خدیجہ بی(۵۵سال) شدید زخمی ہوگئی ہیں اور انہیں زندگی اور موت کی کیفیت میں علاج کے لئے اسپتال میں ...

شیواجی نگر حلقے سے کانگریس کا راست مقابلہ بی جے پی سے عوام کو حلقے کی فلاح کے حق میں فیصلہ لینا ہوگا۔ انتشار سے فرقہ پرست بی جے پی کو فائدہ ہوگا: رضوان ارشد

یواجی نگر اسمبلی حلقہ جو ان اسمبلی حلقوں میں شامل ہے جس کے اراکین اسمبلی نے بی جے پی کے آپریشن کنول کا حصہ بن کر اپنی رکنیت سے استعفیٰ دیا اور نا اہل قرار پائے اس حلقے میں 5دسمبر کو ضمنی انتخابات کے لئے تینوں اہم سیاسی جماعتوں سے امیدوار میدان میں آچکے ہیں۔

بیدر میں گرلزاسلامک آرگنائزیشن کی جانب سے یومِ اُردو کا انعقاد؛ ”ایک قدم...اُُردو کی بقاء ترقی و ترویج کیلئے“

گرلز اسلامک آرگنائزیشن آف انڈیا کرناٹک (بیدریونٹ) کی جانب سے یومِ اُردو بعنوان ”ایک قدم...اُردو کی بقا ء ترقی و ترویج کیلئے“کا انعقاد بیدر میں منعقد ہوا  جس میں مہمانِ خصوصی کی حیثیت سے خطاب کرتے ہوئے محترمہ ڈاکٹر سرورعرفانہ سی آر پی بھا لکی محکمہ تعلیمات عامہ بیدر نے کہا کہ ...