بریکنگ نیوز

بحرین میں نوائط ملن کا خوبصورت انعقاد، ایکشن سونگ اور نوائطی ڈراموں سے حاضرین ہوئے خوب محظوظ ؛ ہونہار طلبہ کو دیا گیا تعلیمی ایوارڈ

Source: S.O. News Service | By I.G. Bhatkali | Published on 13th November 2022, 12:28 PM | خلیجی خبریں |

بحرین 13 نومبر(ایس او نیوز/روشن جمیل آرمار) مورخہ 11 نومبر جمعرات کی شام کو بحرین میں منعقدہ بھٹکل مسلم جماعت کا “نوائط مِلن” پروگرام نہایت کامیاب رہا جس میں بحرین کے مختلف علاقوں میں رہائش پذیر بھٹکل کے عوام نے بڑھ چڑھ کر حصہ لیا۔

نوائط ملن کا یہ گیٹ ٹوگیدر بحرین کے معروف ہوٹل “رامی گرانڈ، سیف” میں منعقد کیا گیا تھا، لذیذ عشائیہ کے ساتھ شروع ہوا۔

تقریب میں مہمان خصوصی کے طور پر بھٹکل مسلم خلیج کونسل کے سکریٹری جنرل جناب عتیق الرحمن منیری اور کنیرا مسلم خلیج کونسل کے صدر جناب یونس قاضیا نے شرکت کرتے ہوئے ممبران جماعت کو مل جل کر رہنے اور جماعت کو مضبوط ومستحکم کرنے پر زور دیا۔ 

نوائط مِلن کا آغاز برادرم عبداللہ عسکری کی تلاوتِ قرآن پاک سے ہوا، مولوی محمد اظہر الدین آر مار نے تلاوت کا ترجمہ پیش کیا۔ صدر جماعت، جناب الطاف مصباح نے محفل کی صدارت کی اور جناب منور علی انصار پیرزادے کی سریلی نعت سے محفل کو منور کیا گیا۔ جنرل سکریٹری جناب مسیب پٹیل نے استقبالیہ کے ساتھ مہمانان کا مختصراً تعارف پیش کیا۔ 

نوائط مِلن میں چھوٹے ننھے منے بچوں نے اپنی صلاحیتوں کے خوب جوہر دکھائے۔ خاص کر بچوں کا ایکشن سونگ اور “حج کے موقع پر ہونے والی ریاکاری کا ایک منظر” نامی نوائطی ڈرامہ بہت پسند کیا گیا۔ اس کے علاوہ بچوں نے اپنی معصوم زبان میں عربی حمد، نشیت اور اسماء حسنی پیش کئے جس کو سامعین نے بہت پسند کیا۔ 

ممبران میں دینی معلومات کو اجاگر کرنے اور دلچسپی پیدا کرنے کی غرض سے دینی کوئز کا اہتمام کیا گیا تھا اور صحیح جوابات دینے والوں کو ایک گرام سونے کے سکہ سے نوازا گیا۔ 

تعلیمی میدان میں نمایاں کامیابی حاصل کرنے والے طلبا و طالبات کو تعلیمی ایوارڈ سے نوازا گیا جو کل سات (7) طالبعلموں کے نام رہا

بتاتے چلیں کہ بھٹکل مسلم جماعت بحرین ہر سال بحرین میں مقیم بھٹکلی ہونہار طلبا و طالبات کی ہمت افزائی کے لئے تعلیمی ایوارڈ کا اہتمام کرتی ہے جو کہ ساتویں، دسویں، بارہویں درجات اور ڈگری میں پچاسی فیصد (%۸۵) یا اس سے زیادہ نمبرات حاصل کرنے والے طالبعلموں کو دیا جاتا ہے۔ امسال یہ ایوارڈ موجودہ سال کے ساتھ ساتھ پچھلے دو سالوں میں بھی امتیازی نمبرات حاصل کرنے والوں کو دیا گیا۔ 

جماعت کے صدر جناب محمد الطاف مصباح نے پروگرام کی صدارت کرتے ہوئے پروگرام کے بہترین انعقاد پر اراکین انتظامیہ سمیت پروگرام میں شریک مہمانان کا شکریہ ادا کیا۔ 

پروگرام کی نظامت جناب اطہر پیرزادے اور سرفراز احمد محتشم نے خوبصورت انداز میں نبھائی اور آخر تک محفل کو گرمائے رکھا۔ پروگرام میں ریفل ڈرا کے ذریعہ انعامات تقسیم کئے گئے جس میں پہلا انعام 75,000 ہندوستانی روپیہ، دوسرا 300 بحرینی دینار، تیسرا انعام 10گرام سونے کا سکہ اور چوتھا انعام 55,555 ہندوستانی روپیہ تھے۔ اس کے علاوہ بہت سارے سونے کے سکے، امریکی ڈالرز اور ہندوستانی روپیوں کے ساتھ بچوں کو سائیکلیں اور دوسری چیزیں انعامات میں شامل تھیں۔ جو رافیل ڈرا کے ذریعہ ممبران میں تقسیم کئے گئے۔ نوائط مِلن کے کنوینر جناب محمد اسحاق پلور صاحب نے آخر میں سبھوں کا شکریہ ادا کیا۔ پروگرام کا اختتام مولوی عبدالرزاق خلیفہ کی دعائیہ کلمات پر ہوا۔

ایک نظر اس پر بھی

سعودی عرب کررہا ہے بیس لاکھ عازمین حج کی خدمت کی تیاری

   سعودی عرب کے حج و عمرہ کے وزیر ڈاکٹر توفیق بن فوزان الربیعہ نے کہا کہ مملکت 20 لاکھ عازمین حج کی خدمت کی تیاری کر رہی ہے جن میں جمہوریہ الجزائر کے 41 ہزار عازمین بھی شامل ہیں۔ یہ بات دونوں ممالک کے سرکاری اداروں کے درمیان مختلف شعبوں میں تعاون کو بڑھانے کے مقصد کے ساتھ سٹریٹجک ...

دبئی: ایمریٹس نیشنل ایکواکلچر نے کیا، سمندری غذا کے پیداواری حجم کو چار گنا بڑھانے کا اعلان

دبئی میں واقع  ایمریٹس نیشنل ایکوا کلچر (ENA) نے کامیابی سے 600 ٹن کے اپنے ابتدائی ہدف کو حاصل کرنے کے بعد اپنی سمندری بریم  (مخصوص مچھلی)  کی پیداوار کو سالانہ  2,400 ٹن  تک بڑھانے کے منصوبوں کا اعلان کیا ہے۔

قرآن کی بے حرمتی کیخلاف عالمِ اسلام میں شدید احتجاج، ترکی ، عراق ، ایران ، لیبیا ، سعودی عرب، یو اے ای اور دیگر اسلامی ممالک میں عوام سڑکوں پر نکل آئے

اسلام کی  مخالفت میں  زہر اگلنے والے  ڈینش سیاست داں راسموس پالودان کے ذریعہ اسٹاک ہوم میں ترک سفارت خانے کے سامنے  قرآن مقدس کا نسخہ نذر آتش کرنے کے خلاف پاکستان، ایران اور ترکی سمیت کئی اسلامی ملکوں میں احتجاجی مظاہرے ہورہے ہیں۔

قرآن نذر آتش کرنے کے خلاف کئی اسلامی ممالک میں شدید مظاہرے

اسلام مخالف سویڈش ڈینش سیاست داں راسمس پالوڈن کے ذریعہ ہفتے کے روز اسٹاک ہوم میں ترک سفارت خانے کے سامنے مسلمانوں کی مقدس کتاب قرآن کونذر آتش کرنے کے خلاف پاکستان، ایران اور ترکی سمیت کئی اسلامی ملکوں میں احتجاجی مظاہرے ہوئے ہیں۔ اسلامی تعاون تنظیم(او آئی سی)، سعودی عرب، قطر ...