بنگلورو: ریاست کی 67اہم شخصیات کو راجیواتسوا ایوارڈ کا اعلان : اترکنڑا ضلع سے یکش گانا اور جانپد کے ماہرین کو بھی ایوارڈ
بنگلورو یکم نومبر(ایس اؤ نیوز) 67ویں کرناٹکا راجیواتسوا کی مناسبت سے ریاست کے اہم ادیبوں ، کھلاڑیوں ، سماجی خدمتگاروں اور پس پردہ کارناموں کو انجام دینےوالےسمیت کل 67لوگوں کو راجیواتسواایوارڈ کا اعلان کیاگیا ہے۔ اعلان کئےگئےفہرست میں اترکنڑا ضلع قبائلی طبقے سے تعلق رکھنےو الےمشہور یکش گانا کے فن کار بھاگوت سبرامنیا ، دھاریشور اور منڈگوڈ کے جانپد(دیہی گیت) کے فن کار سہدیوپا ایرپا نڈیگیر کانام بھی شامل ہے۔ اس کے علاوہ بھارت امرت مہوتسوا کے پیش نظر بہترین خدمات انجام دینےو الے 10اداروں کو بھی ایوارڈ کے لئے منتخب کیاگیا ہے۔
امسال راجیواتسواایوارڈ کےلئے منتخب ایوارڈیافتگان کو بھارت سرکار کی طرف سے دئیے جانےوالے پدم شری ایوارڈ نمونےکو اپناتے ہوئے منتخب کیاگیا ہے۔حکومت اور راجیواتسوا ایوارڈ کمیٹی نے سماج میں رہتےہوئے تشہیر اور شہرت سے دور پس پردہ بہترین اور غیرمعمولی کاموں کو انجام دینےو الے اہل لوگوں کو ترجیح دی ہے۔ اسی طرح سماج کی بھلائی کےلئے بہترین خدمات دینے والے کئی سارے اداروں اور تنظیموں کی شناخت کرتےہوئے ان کے کاموں کی تصدیق کیا جانا خاص بات ہے۔
ریاستی وزیر برائے کنڑا اور سنسکرتی سنیل کمار نے پہلے ہی اعلان کر دیا تھا اس مرتبہ راجیواتسوا ایوارڈ کے عرضیاں قبول نہیں کی جائیں گی ، اس کےباوجود بہت ساری عرضیاں وصول ہوئی تھیں تو کمیٹی نے ان میں سے چند لوگوں کو منتخب کرتےہوئے ایک متوازن فہرست کا اعلان کیا ہے۔
اترکنڑا ضلع سے بھاگوت سبرامنیا، اُڈپی ضلع کے فن کار گُڈ ّپانار، سِہی کہی چندرو، یکش گانا کے فن کار ڈاکٹر ایم پربھاکر جوشی ، ایم اے نائک، دکشن کنڑا ضلع سے اشوک شٹی ،اسرو کے سابق ڈائرکٹر شیون، بزرگ ادیب ا۔ر۔مترا، پروفیسر کرشنا گوڈا، انگلش چینل تیر نے والے اپاہج کھلاڑی راگھویندر انویکر، موظف آئی اے ایس افسر مدن گوپال، سولیگیر مادمّا، جنگلات کے تحفظ کےلئے کام کرنے والے رام نگر کے سالومرد ننگنا، بزرگ فلمی ایکٹر دتّنا، اویناش، بلدیاتی کارکن ملّمّا ،ہاویری کے مہیشورگوڈا، کملما سولگتی ، اننت چاریہ بالاچاریہ ، صحافی ایچ آر شریش،گدگ کے غوث محی الدین شرہٹی ، محقق ڈاکٹر ایم جی ناگراج ،بنگلورو کے سبُبّارام شٹی ، گوپال کرشنا شرما، صوبہ دار بی کے کمار سوامی ، کورگ کے گنیش تمیا،چک منگلوروسے چندرشیکھر نارائن ،رائچور کے ڈی آر بلورگی ، شیموگہ کے ایل ایچ منجوناتھ ، بیرونی کنڑیگا ممبئی کے دیوی داس شٹی ، اروند پاٹل، تلنگانہ کے کرشنا مورتی مانجا، گلف سے راج کمار ، میڈیکل میں شیموگہ کے ڈاکٹر ایچ ایس موہن ، ڈاونگیرہ کے ڈاکٹر بسونتپا ، کریپا، ہاویری کے ایم ایس کوری شٹر،بیدر کے بلبیر سنگھ ، بی وی نائیڈو سمیت 67 لوگوں کو ایوارڈ کےلئے منتخب کیاگیا ہے۔
ایوارڈ انتخاب کے لئے ذات، علاقائی انصاف سمیت سبھی زاویوں سے دیکھاگیا ہے۔ آزادی کا امرت مہوتسوا کے پیش نظر 10 سماجی اداروں کو بھی ایوارڈ کے اہل ماناگیا ہے۔ میسور کا رام کرشنا آشرم، بنگلورو کا امرت ششو نواس، سُمنا فاؤنڈیشن ، ہاویری کا اگڑی فارم ، گدگ ضلع کا لنگائیت پرگتی شیل سنستھاشامل ہیں۔ سال 2022کے ایوارڈ یافتگان کومنتخب کرنے کےلئے ریاستی حکومت نے کمیٹی تشکیل دی تھی ۔ وزیر سنیل کمار کی صدارت میں کمیٹی نے ایوارڈیافتگا ن کو منتخب کیا جس کو وزیر اعلیٰ بسوراج بومائی کی صدارت میں منعقدہ میٹنگ میں فہرست کی توثیق کی گئی ۔
سریلی آواز کے مالک بھاگوت : سرسی کے بڈگتٹّو سے تعلق رکھنے والے یکش گانہ کے ماہر بھاگوت سبرامنیا دھاریشور ، کمٹہ تعلقہ کے گوکرن سے تعلق رکھنےو الے لکشمی نارائن بھٹ اور لکشمی کے اکلوتے فرزند ہیں۔ قریب 45سے زائد برسوں سے یکش گانا میں مشغول ہیں۔ ناٹک اور موسیقی کےپروگراموں میں وائرنگ اور مائک سٹ فراہم کئے جانے سےا ن کی زندگی شروع ہوتی ہے۔ ہندوستانی اور ناٹک میں پیش ہونے والی موسیقی کا تجربہ رکھنے والے بھاگوت اپنے زمانے کے مشہور فن کار متوفی کالنگ ناوڈ سے خاصا لگاؤ رکھتے تھے۔ کالنگ ناوڈجب گوکرن آئے تو اپنے دوست دھاریشور کے والد سے ملنے گھر پہنچے تو والد نے اپنے دھاریشور کو انہیں سونپتے کہاکہ اس کی تربیت کرنا تمہاری ذمہ داری ہے۔ تب دھاریشور ہنگارکٹے یکش گانا مرکز میں بطور متعلم داخل ہوئے۔ اس کے بعد دھاریشور کی صلاحیت پروان چڑھنے لگی اور وہ یکش گانا میں مشہورہوئے۔
جانپد کے فن کار سہدیوپا: منڈگوڈ تعلقہ اندور سے تعلق رکھنے والے سہدیوپا نڈگیری جانپد (دیہی گیت) کے بزرگ اور ماہر فن کار ہیں۔ اپنے مخصوص اسلوب اور آواز میں دیہی گیتوں کو پیش کرتےہوئے عوامی سطح پر کافی مشہور ہوئے۔ منڈگوڈ تعلقہ کنڑا ساہتیہ پریشد صدر کے طورپر بھی انہوں نے خدمات انجام دی ہیں۔