اقلیتی طلبہ کی پری میٹرک اسکالرشپ کے لئے درخواستیں مطلوب 30 نومبر آخری تاریخ
کاروار 7 / اکتوبر (ایس او نیوز) تعلیمی سال 2023-24 کے دوران اقلیتی طلبہ کو دی جانے والی پری میٹرک اسکالرشپ کے لئے درخواستیں طلب کی گئی جس کی آخری تاریخ 30 نومبر ہے ۔
پہلی جماعت سے 8 ویں جماعت کے اقلیتی یعنی مسلم، عیسائی، جین، بدھ، سکھ اور پارسی طبقات سے تعلق رکھنے والے ایسے طلبہ اس اسکالر شپ کے لئے اہل ہوتے ہیں جو ریاست کرناٹکا کے رہائشی ہیں اور انہوں نے سالانہ امتحان میں کم از کم 50 فیصد مارکس حاصل کیے ہوں ۔ اس کے علاوہ طالب علم کے خاندان کی جملہ سالانہ آمدنی ایک لاکھ روپے سے کم ہو ۔
اسکالرشپ کے لئے https://dom.karnataka.gov.in پورٹل پر آن لائن درخواست دینا ہوگا ۔ مزید معلومات کے لئے تعلقہ مائناریٹی سینٹر سے رابطہ کیا جا سکتا ہے ۔