دہشت گرد تنظیموں سے منسلک ہونےکے شبہ میں این آئی اے ٹیم پہنچی انکولہ
انکولہ :7؍مارچ (ایس اؤ نیوز ) بنگلورو جیل میں بند قیدیوں کو مشتعل کرتےہوئے دہشت گرد تنظیم لشکر طیبہ میں شامل ہونےکی ترغیب دئیے جانے والے معاملے کو لےکر قومی تفتیشی ایجنسی این آئی اے کے افسران دکشن کنڑا ضلع کے بعد اترکنڑا ضلع کے انکولہ پہنچ کر جانچ میں جٹےرہنےکی اطلاعات موصول ہوئی ہیں۔
میڈیا سے ملی خبروں کے مطابق این آئی اے کے افسران نے انکولہ میں ایک فرد کی تلاش کرتےہوئےجانکاری حاصل کی ہیں۔ ملک بھر میں دہشت گرد تنظیموں کومضبوط کئے جانےکی اطلاعات موصول ہونے کے بعد این آئی اے کے افسران ملک کے مختلف علاقوں میں چھاپہ ماری کررہے ہیں۔ ریاست سے بھی چند ایک کو تحویل میں لےکر اہم جانکاری جمع کررہےہیں۔
این آئی اے کے افسران بنگلورو ، منگلور اور اترکنڑا ضلع میں دہشت گرد تنظیموں کے ساتھ رابطہ والے افراد کی تلاش کررہےہیں۔ جیلوں میں بند قیدیوں میں دہشت گردی کی ذہنیت کو ترغیب دے کر خود کش جیسی کارستانیوں کو انجام دینا، ہتھیار سپلائی کرنا جیسے دیش دروہی اور تخریبی کاموں کو انجام دینے کی سازش رچے جانےکی اطلاعات موصول ہونےکے بعد تفتیش اور جانچ شروع کئےجانےکی بات کہی جارہی ہے۔ اس سے قبل ریاست کی سی سی بی پولس نے ایک ملزم کو گرفتار کرتےہوئےپوچھ تاچھ کرنےکے بعد معاملہ این آئی اے کو سونپے جانےکی اطلاعات موصول ہوئی ہیں۔ تفتیش کےسراغ کو لےکر این آئی اے کی ٹیم انکولہ تک پہنچ کر سازش میں شامل ہونےکا شبہ جتاتےہوئے افراد سےپوچھ تاچھ کئےجانےکی ذرائع نےخبر دی ہے۔