بھٹکل انجمن ڈگری اور پی یو کالجوں کے اشتراک سے شجرکاری
بھٹکل:یکم اگست (ایس اؤ نیوز) انجمن حامئی مسلمین بھٹکل کے زیر سرپرستی چلنے والے انجمن ڈگری کالج اینڈ پی جی سنٹر اور انجمن پی یو کالج کی طرف سے مشترکہ طورپر بروز جمعرات یکم اگست 2019ءکو انجمن آباد میں واقع کالج صحن میں کالج طلبا کے تعاون سے شجرکاری کی گئی ۔
انجمن کے صدر عبدالرحیم جوکاکو نے اساتذہ اور طلبا کے ساتھ پہلا پودا نصب کرتےہوئے شجرکاری کی شروعات کی۔اس کے دونوں کالجوں کے پرنسپالس، اساتذہ اور طلبا نے صحن میں نشان زدہ گڑھوں میں 30سے زائد اشجار کی نصب کاری کرتے ہوئے صحن کو سرسبز و شاداب بنانے کی پہل کی۔ اس موقع پر انجمن کے جنرل سکریٹری اسماعیل صدیق، ایڈیشنل جنرل سکریٹری اسحق شاہ بندری ،کالج بورڈ سکریٹری محمد محسن ،انتظامیہ ممبر محمد میراں صدیق، ڈگری کالج پرنسپال پروفیسر مشتاق شیخ، پی یوکالج پرنسپال محمد یوسف کولا، نائب پرنسپال عبدالرحیم خان ،پی یو کالج اسٹوڈنٹ ویلفئیر آفیسر کرن دیواڑیگا سمیت سبھی اساتذہ ، طلبا و طالبات موجود تھے۔