مہنت نریندر گری کی مشتبہ حالت میں موت، پھانسی کے پھندے سے لٹکی ملی لاش

Source: S.O. News Service | Published on 21st September 2021, 12:25 AM | ملکی خبریں | ان خبروں کو پڑھنا مت بھولئے |

پریاگ راج،21؍ستمبر (ایس او نیوز؍ایجنسی) اپنے بیانات کی وجہ سے ہمیشہ سرخیوں میں رہنے والے اکھل بھارتیہ اکھاڑا پریشد کے صدر مہنت نریندر گری کی پیر کے روز مشتبہ حالت میں موت ہوگئی۔ ان کی لاش پریاگ راج واقع ان کے باگھمری مٹھ میں ہی پھانسی کے پھندے سے لٹکتی ہوئی ملی۔ جائے وقوع پر پہنچی پولیس نے تحقیقات شروع کر دی ہے اور فورنسک ٹیم کے ساتھ ساتھ ڈاگ اسکواڈ کو بھی مٹھ بلایا گیا ہے۔ مہنت نریندر گری کے انتقال کی خبر ملنے کے بعد اتر پردیش کے وزیر اعلیٰ یوگی آدتیہ ناتھ اور سماجوادی پارٹی کے صدر اکھلیش یادو سمیت متعدد سیاسی و سماجی ہستیوں نے اپنے افسوس کا اظہار کیا ہے۔

موصولہ خبروں کے مطابق اکھل بھارتیہ اکھاڑا پرییشد کے صدر مہنت نریندر گری کی موت کے بعد سادھو-سَنتوں میں غم کا ماحول چھا گیا ہے۔ جائے وقوع پر پہنچی پولیس کا کہنا ہے کہ مٹھ کے کمرے میں ہی مہنت نریندر گری کی لاش لٹکی ہوئی تھی اور چاروں طرف سے گیٹ بند تھا۔ پولیس نے شروعاتی جانچ کی بنیاد پر اسے خودکشی کا معاملہ بتایا ہے، لیکن تحقیقات جاری ہے۔

بتایا جا رہا ہے کہ فورنسک ٹیم موقع پر پہنچ چکی ہے اور پولیس کی بڑی تعداد بھی وہاں موجود ہے۔ کچھ ایسی خبریں بھی سامنے آ رہی ہیں جس میں کہا جا رہا ہے کہ مہنت نریندر گری کو کسی سازش کے تحت مارا گیا ہے۔ حالانکہ ابھی کچھ بھی مصدقہ طور پر نہیں کہا جا سکتا۔

ایک نظر اس پر بھی

اتراکھنڈمیں بارش سے تباہی ،نینی تال کا بُرا حال۔مسلسل موسلا دھار بارش سےمعمولات زندگی درہم برہم

  پہاڑی ریاست اتراکھنڈ میں گزشتہ 2؍روز  سےجاری  موسلا دھار بارش نے معمولات زندگی درہم برہم کر دئیے ہیں۔ انتظامیہ کی جانب سے متعدد علاقوں میں مزید بارش کا انتباہ جاری کیا گیا ہے اور انتظامیہ کو  الرٹ پر  رکھا گیا ہے۔

مدھیہ پردیش: عید میلادالنبی پر کئی اضلاع میں ہنگامہ، دھار کے بعد جبل پور اور بڑوانی میں حالات کشیدہ

مدھیہ پردیش میں منگل کو عید میلاد النبی کے موقع پر کئی اضلاع میں خوب ہنگامہ ہوا۔ اس دوران کئی مقامات پر شرپسندوں نے پتھراؤ بھی کیا جس میں متعدد لوگ زخمی ہو گئے۔ جبل پور، دھار اور بڑوانی میں تو فرقہ وارانہ خیر سگالی کو بگاڑنے کی کوششیں بھی ہوئیں۔ ریاست میں کورونا وبا کے سبب ...

پرینکا گاندھی کے اعلان نے سیاسی جماعتوں کی نیند اڑائی

کا کانگریس کی جنرل سکریٹری پرینکا گاندھی کے اترپردیش اسمبلی انتخابات میں چالیس فیصد خواتین امیدواروں کو ٹکٹ دینے کا اعلان کرنے سے بیشتر سیاسی جماعتوں کے سامنے ایک نیا چیلنج کھڑا ہوگیا ہے اور پرینکا کے اس اعلان نے ان کی نیند اڑا دی ہے۔ بھارتیہ جنتا پارٹی (بی جے پی) سمیت بیشتر ...

این آر آئی اکائونٹ سے غیر قانونی طور پر 6 کروڑ نکالنے کی کوشش، ایچ ڈی ایف سی بینک کے 3 ملازمین سمیت 12 افراد گرفتار

دہلی پولیس کے اسپیشل سیل کے سائبر کرائم یونٹ نے ایک این آر آئی کے ہائی ویلیو بینک اکاؤنٹ سے غیر قانونی طور پرانٹرنیٹ بینکنگ کے ذریعہ ہیکنگ کرکے رقم نکالنے والے جعلسازوں کے ریکیٹ کا پردہ فاش کیا ہے۔

شاہ رُخ خان کے بیٹے آرین خان کی حمایت میں شیوسینالیڈرپہنچے سپریم کورٹ

بالی ووڈ کے سپر اسٹار شاہ رخ خان کے بیٹے سے وابستہ کروز ڈگرس پارٹی کا معاملہ سپریم کورٹ تک پہنچ گیا ہے۔ شیو سینا کے لیڈر کشور تیواری نے سپریم کورٹ میں درخواست پیش کرتے ہوئے آرین خان اور دیگر ملزمان کے بنیادی حقوق کا حوالہ پیش کیا ہے۔

کونکن ریلوے سروس کے مکمل ہوئے31 سال ۔ سورتکل - انکولہ کے درمیان کیا رو - رو سروس کا آغاز 

کونکن ریلوے سروس کے 31 سال مکمل ہونے پر ورچیول جشن منایا گیا اور اس موقع پر سورتکل - انکولہ کے درمیان مال بردار ٹرکس / کنٹینرس  لے جانے والے ٹرکس کی نقل و حمل کے لئے رول آن - رول آف (رو - رو) سروس کا شروع کرنے کا اعلان کیا گیا ۔