منگلورواے جے ہاسپٹل لیباریٹری کو ملی کووِڈ جانچ کرنے کی اجازت
منگلورو22/جولائی (ایس او نیوز) منگلورو کے مشہور و معروف اے جے اسپتال کو انڈین کاونسل آف میڈیکل ریسرچ (آئی سی ایم آر) جانب سے کووِڈ وائرس کی جانچ کرنے کے لئے اجازت نامہ مل گیا ہے۔
پتہ چلاہے کہ پچھلے کچھ دنوں سے اے اسپتال انتظامیہ کی طرف سے اپنی لیباریٹری میں جانچ کی اجازت حاصل کرنے کی مسلسل کوشش ہورہی تھی۔ جسے نیشنل اکریڈیشن بورڈ نے اب منظور کرلیا ہے۔ یہاں پر اب آر ٹی پی سی آر طریقے سے سرکاری ضوابط کے تحت کووڈ کی جانچ کی جاسکے گی۔اسپتال میں موجود سویاب کلیکشن کیوکس سے عوام استفادہ کرسکیں گے۔ جدید سہولتوں سے آراستہ مکمل طور پر خودکار(آٹومیٹیڈ)لیباریٹری میں ریئل ٹائم پی سی آر مشین جانچ کے لئے دستیاب ہے۔ اس کے علاوہ نمہانس بنگلورو سے تربیت یافتہ ٹیکنی شینس بھی موجود ہیں۔اس لیباریٹری کو جانچ کی اجازت سے ملنے سے منگلورو میں فی الحال جن اسپتالوں میں جانچ کے لئے رش بہت زیادہ ہے وہ کم ہوجائے گا اور عوام کو بہت زیاد ہ سہولت ہوگی۔خیال رہے کہ اے جے اسپتال میں کووِڈ متاثرین کے علاج کے لئے بھی خصوصی وارڈ موجود ہے۔