ہوناور 6 مئی (ایس او نیوز/ذاکر کٹنگری)  ہوناور تعلقہ کے   ولکی میں  پیش آئے سڑک حادثہ میں ایک سترہ سالہ لڑکا جاں بحق ہوگیا جس کی شناخت محمد ابن  ریاض عبدالحمید  قاضی کی حیثیت سے کی گئی ہے۔ حادثہ ولکی میں  ہوناور۔بنگلور ہائی وے پر جمعرات کو  پیش آیا۔

بتایا گیا ہے کہ محمدقاضی اپنے   خالہ زاد  بھائی محمد نائف قاضی (24) کے ساتھ  اُس کی بائک کی پچھلی سیٹ پر سوار   ولکی  کے   قریب میں واقع اے ٹی ایم جارہا تھا یا اے ٹی ایم ہوکر واپس ولکی جارہا تھا  جس کے ددوران  ایک تیز رفتار کار پیچھے سے آکر ان کی بائک کو ٹکر ماردی  اور جائے وقوع پر سے فرار ہوگئی۔ ٹکر لگتے ہی    محمد اور نائف دونوں بائک سے گرے،   مگر محمد قاضی زخموں کی تاب نہ لاکر جائے وقوع پر ہی جاں بحق ہوگیا۔   انا للہ و انا الیہ راجعون۔ حادثہ میں محمد نائف کو معمولی چوٹیں آئی ہیں ۔

پتہ چلا ہے کہ محمد قاضی دبئی میں میٹرک تک تعلیم مکمل کرنے کےبعد ہوناور  کالج میں پی یو سی کررہا تھا۔

ہوناور پولس تھانہ میں معاملہ درج کیا گیا ہے، پولس مزید چھان بین کررہی ہے۔