یوپی: ٹی وی سیریل سے متاثرہوکر7 سال کی بچی نے مٹی تیل ڈال کر خود کو لگائی آگ

Source: S.O. News Service | Published on 10th September 2019, 9:49 PM | ملکی خبریں | ان خبروں کو پڑھنا مت بھولئے |

بھدوہی،10ستمبر(ایس او نیوز/آئی این ایس انڈیا) بھدوہی میں ایک حیران کر دینے والا معاملہ سامنے آیا، جب ایک سات سال کی ایک بچی نے پیر کو اسکول کے بیت الخلا میں خود پر مبینہ طور پر مٹی تیل ڈال کر آگ لگا لی۔اس حادثے کی وجہ اس سے بھی زیادہ افسوسناک ہے،بچی کے اہل خانہ کا کہنا ہے کہ ٹی وی سیریل کے اثر میں آکر بچی نے خود کو آگ لگائی ہے۔اسکول انتظامیہ کا دعوی ہے کہ طالبہ گھر سے مٹی کا تیل لے کر آئی تھی اور ٹوائلٹ میں جاکر خود کو آگ لگا لی۔پولیس معاملے کی تحقیقات میں مصروف ہے۔کلاس3 میں پڑھنے والی طالبہ اپنے بھائی کے ساتھ اسکول پہنچی ہی تھی کہ تھوڑی دیر میں اسکول کے اساتذہ کو اطلاع ملی سکول آگ کی زد میں آ گئی ہے، ٹوائلیٹ کا دروازہ کھولا گیا تو وہ جل رہی تھی،آنا فانا میں طالبہ کو سی ایچ سی میں داخل کرایا گیا جہاں ڈاکٹرس نے اسے ریفر کر دیا،مقامی ہسپتال سے ریفر ہونے کے بعد زخمی کو وارانسی لایا گیا جہاں اس کی حالت پہلے سے بہتر بتائی جا رہی ہے۔اسکول انتظامیہ کا دعوی ہے طالبہ کے گھر میں اس کی ماں نے طالبہ کے بھائی کو کسی بات پر مارا تھا جس سے دکھی ہوکر اس نے ایسا قدم اٹھایا۔وہیں اطلاع پر پہنچی پولیس نے اساتذہ سے پوچھ گچھ کرکے طالبہ کے اہل خانہ سے بھی فون پر بات کی ہے۔علاقائی (اورائی) لیکھراج سنگھ نے بتایا کہ اورائی تھاناعلاقہ کے رہنے والے ایک شخص کے دو بچے روز کی طرح ہی اپنے اسکول گئے تھے۔سنگھ نے بتایا کہ تیسری جماعت میں پڑھنے والی بچی صبح گھر سے ایک ٹوکری میں مٹی تیل اور ماچس ساتھ لے کر اسکول گئی تھی۔انہوں نے بتایا کہ اسکول پہنچنے پر وہ براہ راست ٹوائلیٹ گئی،اس کا چھوٹا بھائی باہر کھڑا تھا،اچانک اندر سے چیخنے کی آواز پر اس کا بھائی رونے لگا،تب اسکول کے عملے نے بند دروازے کو توڑا، جہاں سے آگ میں لپٹی بچی کو دیکھ کر پورے اسکول میں افرا تفری مچ گئی۔سنگھ نے بتایا کہ ابھی بچی سہمی ہوئی ہے اور کچھ بتا نہیں رہی ہے۔سنگھ کے مطابق ابتدائی طور پر یہ بات سامنے آئی ہے کہ وہ ٹی وی پر سیریل کافی دیکھتی ہے،ایسا مانا جا رہا ہے کہ وہ اس سے متاثر ہوکریہ حادثہ کر بیٹھی۔انہوں نے بتایا کہ گھر والوں سے پوچھ گچھ اور اسکول میں ہوئے واقعہ سے پورے معاملے کی گہرائی سے جانچ کی جا رہی ہے۔
 

ایک نظر اس پر بھی

میسکو کے بانی ڈاکٹر فخرالدین محمد دردکے انتقال پر گورنرعارف محمد خاں کی زیر صدارت آن لائن تعزیتی اجلاس

میسکو کے بانی اور اعزازی سیکریٹری جناب ڈاکٹر فخرالدین محمد حیدرآباد کے انتقال پر ایک آن لائن تعزیتی اجلاس کا انعقاد کیا گیا۔اجلاس کی صدارت کیرالہ کے گورنر عالی جناب عارف محمد خاں صاحب نے فرمائی۔

تمل ناڈو : کورونا کے خلاف ایکشن میں نئی ڈی ایم کے سرکار ، 14 دنوں کے مکمل لاک ڈاون کا اعلان

تمل ناڈو میں ڈی ایم کے کی نئی سرکار کورونا وائرس کے خلاف ایکشن میں آگئی ہے ۔ ہفتہ کو سرکار نے ریاست میں 14 دنوں کے مکمل لاک ڈاون کا اعلان کیا ہے ۔ خاص بات یہ ہے کہ تمل ناڈو میں ایک دن پہلے ہی انفیکشن کے ریکارڈ معاملات درج کئے گئے تھے ۔ اس کے علاوہ پڑوسی ریاستوں کیرالہ اور کرناٹک ...

گزشتہ 24 گھنٹوں کے دوران کورونا سے سب سے زیادہ ہوئیں 4187 اموات

کورونا کے قہر سے پورا ملک پریشان ہے اور کل ایک دن میں پھر چار لاکھ سے زیادہ نئے لوگ کورونا سے متاثر ہوئے اور ورلڈو میٹر پر جاری اعداد وشمار کے مطابق کل 4187 افراد کی اس وبا کی وجہ سے موت ہوئی۔ ریاستی حکومتوں کی تمام تدابیر ناکام ہوتی نظر آ رہی ہیں۔

بھٹکل انجمن ہائی اسکول کے سابق استاد محمد زُبیر چمپا انتقال کرگئے

ا  نجمن ہائی اسکول کے سابق استاد اور سب کے ہردل عزیز جناب محمد زبیر چمپا صاحب  جمعرات 6  مئی کو بھٹکل مدینہ کالونی میں واقع اپنی  قیام گاہ پر انتقال  کرگئے۔ انا للہ و انا الیہ راجعون۔  ان کی عمر 78 سال تھی۔ رات قریب گیارہ بجے نوائط کالونی قبرستان میں تدفین عمل میں آئی۔

بیڈ بلاکنگ گھپلہ: اسپتال میں بستر کے عوض 1.20 لاکھ روپئے اینٹھنے والے 3 ملزم گرفتار

ایک طرف بی جے پی رکن پارلیمان تیجسوی سوریہ کی طرف سے بی بی ایم پی وار روم میں بیڈ بلاکنگ کا گھپلہ بے نقاب کرنے کا دعویٰ کرتے ہوئے اس سارے معاملہ کو فرقہ وارانہ رنگ دینے کی کوشش کی گئی تو اس سے ہٹ کر بنگلورو سنٹرل ڈیویژن کی پولیس نے کارروائی کرتے ہوئے بیڈ بلاکنگ کے ایک تازہ معاملہ ...

کرناٹک میں جنتا کرفیو میں توسیع یا مکمل لاک ڈاؤن ؟ آج شام وزیر اعلیٰ ایڈی یورپا کی طرف سے اعلان ممکن

کرناٹک بھر میں کورونا وائرس کی بگڑتی  صورتحال کو قابو میں کرنے کیلئے ریاست میں نافذ 14 روزہ جنتا  کرفیو کے دوران کورونا وائرس کو قابو میں کرنے کی کوششوں میں متوقع کامیابی نہ مل پانے کی صورتحال کو دیکھتے ہوئے حکومت نے 12 ؍ مئی کے بعد بھی سخت  پابندیوں کو برقرار رکھنے کا اراداہ ...

بھٹکل میں کورونا معاملات میں اچانک اضافہ؛ آج ایک ہی دن 19کی رپورٹ پوزیٹیو؛ ایک خاتون کی موت؛اسپتال میں ویکسین کا اسٹاک ختم

  ملک بھر میں جس طرح کورونا کی دوسری لہر میں  حالات دگرگو ہورہے ہیں، بھٹکل میں  بھی  کورونا کے معاملات بڑھتے نظر  آرہے ہیں، جس سے عوام میں تشویش پائی جارہی ہے۔

یوپی میں پھر بڑھایا گیا لاک ڈاؤن، اب پیر کی صبح تک جاری رہیں گی پابندیاں

 ریاستی حکومت نے اتر پردیش میں جاری لاک ڈاؤن کی مدت میں توسیع کرنے کا اعلان کیا ہے، اب یہ لاک ڈاؤن 10 مئی کی صبح 7 بجے تک نافذ رہے گا۔ پہلے جمعرات یعنی 6 مئی کی صبح 7 بجے تک لاک ڈاؤن نافذ کیا گیا تھا، تاہم اب کورونا بحران کی بے قابو صورت حال کے پیش نظر اسے بڑھانے کا فیصلہ لیا گیا ...