سری لنکا بم دھماکوں سے دہل گیا ؛ تین ہندوستانیوں کے بشمول 215 افراد ہلاک، 400 سے زائد زخمی

Source: S.O. News Service | By Shahid Mukhtesar | Published on 21st April 2019, 11:04 PM | ملکی خبریں | عالمی خبریں |

کولمبو،21؍اپریل (ایس او نیوز) سری لنکا میں عیسائیوں کے بڑے تہوار ایسٹر کے موقع پر  ہوئے آٹھ بم دھماکوں میں 215 لوگ ہلاک ہوگئے ہیں جبکہ چار سو سےزائد افراد زخمی ہوئے ہیں۔ میڈیا  رپورٹوں کے مطابق  عین تہوار کے موقع پر  تین  گرجا گھروں اور 3 ہوٹلوں میں دھماکے کئے گئے ہیں   جس کے بعد   ملک بھر میں کرفیو نافذ کردیا گیا ہے۔ 

 ہلاک ہونے والوں میں تین ہندوستانی شہریوں سمیت 35 غیر ملکی بھی شامل ہیں  ریسکیو اداروں نے زخمیوں کو اسپتال منتقل کیا جب کہ عوام سے خون کے عطیات دینے کی اپیل کی جارہی  ہے۔

لندن میں سری لنکا کی ہائی کمشنر نے سی این این سے بات کرتے ہوئے بتایا کہ 6 دھماکوں میں سے کچھ خود کش بمبار نے کیے تاہم ابھی خود کش بمبار کی شناخت نہیں ہوسکی ہے۔ پولیس نے شک کی بنیاد پر ایک گھر پر چھاپا مارا جہاں دہشت گردوں نے پولیس پر 2 بم پھینکے  جس کے نتیجے میں 3 پولیس اہلکار بھی ہلاک ہوگئے ہیں۔

لندن میں سری لنکن ہائی کمشنر کے مطابق  پولیس نے 7 مشتبہ افراد کو حراست میں لیا ہے جن سے تحقیقات کی جا رہی ہیں۔ کل 8 دھماکے ہوئے ہیں جن میں سے 6 چرچوں اور ہوٹلوں پر کیے گئے جب کہ 2 دھماکے پولیس پارٹی پر ایک گھر پر چھاپے کے دوران کیے گئے۔

سری لنکا کے  صدر متھری پالا سری سینا نے عوام سے صبر و تحمل اور حکومت سے تعاون کرنے کی اپیل کرتے ہوئے صبح 6 بجے سے شام 6 بجے تک کرفیو نافذ کر دیا ہے جب کہ 22 اور 23 اپریل کو ملک بھر میں عام تعطیل کا اعلان کیا گیا ہے۔ حکام کے مطابق ملکی صدر نے یہ اقدام ممکنہ احتجاجی مظاہروں اور امن عامہ کی صورت حال پر قابو پانے کے لیے اُٹھایا ہے۔

وزیرخارجہ سشما سوراج نے کہا کہ سری لنکا میں اتوار کو ایسٹر کے موقع پر ہوئے 8 بم دھماکوں میں ہلاک ہونے والوں میں  3 ہندستانی شہری بھی شامل ہیں۔ وزیرخارجہ سشما نے کہا کہ سری لنکا میں جو ہندوستانی بم دھماکہ میں ہلاک ہوئے ہیں ان کے نام لوکاشنی، نارائن چندرشیکھر اور رمیش ہیں۔ ہم مزید تفصیلات معلوم کررہے ہیں۔ وزیر موصوف نے ضرورت پڑنے پر سری لنکا کو میڈیکل ٹیم سمیت امداد کی پیش کش بھی کی ہے۔

بی بی سی نے کولمبو کے نیشنل ہسپتال کے حوالے سے رپورٹ دی ہے کہ  نیشنل اسپتال  میں  260 زخمی لوگوں کو لایا گیا جن میں سے 46 جان کی بازی ہار گئے جبکہ 214 ابھی بھی ہسپتال میں ہیں جبکہ  بٹیکالوا کے ہسپتال کے حکام کے حوالے سے  بتایا ہے کہ صرف ان کے ہسپتال میں مرنے والوں کی تعداد 27 ہے۔

ملک میں خانہ جنگی کے خاتمے کے بعد سے تشدد کے بعض واقعات نظر آئے تھے جس میں بودھ مذہب کی سنہالا برادریوں کی جانب سے مساجد اور مسلمانوں کی املاک کو نشانہ بنایا گيا  تھا مگر  اس کے بعد ملک میں گذشتہ سال مارچ کے مہینے میں ایمرجنسی کی صورت حال کا اعلان کیا گیا تھا۔

بتایا گیا ہے کہ اتوار کو ہوئے  دھماکے ایسٹر کی دعائیہ تقریبات کے دوران کئے گئے ہیں  اور یہ تہوار مسیحی برادری کے بڑے تہواروں میں شامل ہے جو گڈ فرائیڈے کے بعد آنے والے اتوار کو ہوتا ہے۔

ایک نظر اس پر بھی

بابری مسجد ملکیت مقدمہ؛ ڈاکٹرراجیودھون کو دھمکی دینے والے پروفیسرنے مانگی غیر مشروط معافی ؛ راجیو دھون نے عدالت کو بتایا؛ 1528میں شرعی طریقہ سے ہوئی تھی مسجد کی تعمیر

بابری مسجد ملکیت مقدمہ میں روزانہ کی بنیاد پر چلنے والی سماعت کاآج27 واں دن تھا جس کے دوران سب سے سینئر ایڈوکیٹ کپل سبل اور ایڈوکیٹ آن ریکارڈ اعجاز مقبول نے جمعیۃ علماء ہند کے وکیل ڈاکٹر راجیو دھون کو چنئی کے پروفیسر شنمگم کی جانب سے بھیجے گئے  دھمکی آمیز خط کے خلاف داخل توہین ...

آسا م میں حاملہ خاتون سمیت تین بہنوں پر تشدد کرنے والے پولیس اہلکاروں کو ڈیوٹی سے برطرف کیا جائے: ویمن انڈیا موؤمنٹ 

ویمن انڈیا موؤمنٹ (WIM)نے آسام کے درانگ ضلع کے پولیس چوکی میں حاملہ خاتون اور اس کی بہنوں کو برہنہ کرکے شدید تشدد کا نشانہ بنانے والے پولیس اہلکاروں کی شدید مذمت کی ہے۔

حضرت عائشہؓ پر وسیم رضوی کی فلم کے بارے میں دہلی اقلیتی کمیشن کا نوٹس اور پروجکٹ پر مزید کام نہ کرنے عبوری حکم

 میڈیا رپورٹوں اور دہلی کے کچھ باشندوں کی شکایت پر دہلی اقلیتی کمیشن نے شری وسیم رضوی کو ایک نوٹس بھیجا ہے۔ اطلاعات کے مطابق شری  رضوی حضور پاک ﷺ  کی زوجۂ طاہرہ حضرت عائشہؓ کے بارے میں ایک فلم بنارہے ہیں یا بنا چکے ہیں۔ انھوں نے اپنی فلم کا ایک ٹریلر ریلیز کیا ہے اور اس متنازع ...

فرضی پاسپورٹ ویزہ گروہ کا پردہ فاش، آٹھ لوگ گرفتار

دہلی پولس کرائم برانچ کی ٹیم نے فرضی پاسپورٹ ویزہ فراہم کرنے کے نام پر لوگوں سے دھوکہ دہی کرنے والے بین الاقوامی گروہ کا پردہ فاش کرکے ایجنٹوں سمیت آٹھ لوگوں کو گرفتار کرنے میں کامیابی حاصل کی ہے۔

تیل ٹھکانوں پر حملوں کے سلسلہ میں سعودی عرب کچھ نہیں جانتا: ایران

 ایرانی صدر کے مشیر حسام الدین عشونا نے کہا ہے کہ تیل تنصیبات پر حملہ کے سلسلہ میں ان کے ملک پر الزام لگانے والا سعودی عرب حملوں کے بارے میں کچھ نہیں جانتا اور وہ یہ بھی سمجھنے میں ناکام رہا ہے کہ اس کا دفاعی نظام حملہ کو روکنے میں کیوں ناکام رہا۔

سعودی عرب: آرامکو پر حملہ کے بعد یومیہ 30 لاکھ بیرل کی سپلائی متاثر

توانائی کے اعداد و شمار بتانے والے ادارہ ایس اینڈ پی پلیٹس نے کہا ہے کہ سعودی عرب میں تیل تنصیبات پر حملہ کی وجہ سے یومیہ 30 لاکھ بیرل تیل کی سپلائی بند ہوگئی ہے۔ میڈیا رپورٹوں کے مطابق ایس اینڈ پی گلوبل پلیٹس کا کہنا ہے کہ موجودہ صورتحال میں سعودی عرب سے یومیہ 30 لاکھ بیرل تیل کی ...