بھٹکل : 18 بسوں سمیت بھاری مالیت کا سامان ضبط ؛ جی ایس ٹی ادا نہ کرتے ہوئے ممبئی سے مال ٹرانسپورٹ کرنے کا الزام

Source: S.O. News Service | By Shahid Mukhtesar | Published on 11th May 2019, 2:08 PM | ساحلی خبریں |

بھٹکل 11مئی (ایس او نیوز) گوڈس اینڈ سروس ٹیکس اد ا کیے بغیر مسافر بسوں کے ذریعے ممبئی سے منگلورو کے لئے بھاری مالیت کا تجارتی سامان ٹرانسپورٹ کرنے کے سلسلے پر روک لگانے کے لئے ڈپارٹمنٹ آف کمرشیل ٹیکس ساؤتھ ژون (بنگلورو) اور ویسٹ ژون(منگلورو) کے افسران نے  مرڈیشور اور شیرور کے درمیان کارروائی کی ہے۔ جس کے نتیجے میں بھاری مالیت کے سامان کے ساتھ 18نجی مسافر بسوں کو ضبط کرلیاگیا ہے۔

 کمرشیل ٹیکس کے افسران کا کہنا ہے کہ جی ایس ٹی کی ادائیگی سے بچنے کے لئے پرائیویٹ بسوں میں مال ٹرانسپورٹ کرنے کے شبہ میں انہوں نے جمعرات کی شب کو آدھی رات کے بعد سے لے کر جمعہ کے دن صبح دس بجے تک مشترکہ کارروائی کی اورپایا کہ 18بسوں میں بھاری مالیت کا سامان لدا ہواتھا۔ ان میں سے 11بسوں میں موجود سامان کے تعلق سے مناسب کاغذات بھی موجود نہیں تھے۔اس سے پتہ چلا کہ جی ایس ٹی ادا کیے بغیر ممبئی سے یہ سامان منگلورو کی طرف لایا جارہا تھا۔یہ سارا مال ضبط کرتے ہوئے بسوں اور سامان کے مالکان کو ہدایت جاری کردی گئی ہے کہ اس مال کو واپس حاصل کرنے کے لئے ضروری کاغذات پیش کریں۔

معلوم ہو اہے کہ ٹیکس کی ادائیگی سے متعلق مشکوک سامان سے لدے بسوں کو ضبط کرکے منگلورو کے نہرو میدان میں رکھا گیا ہے۔ پھر ان بسوں میں موجود تمام سامان کودوسری گاڑیوں میں بھرکر کمرشیل ٹیکس مغربی ژون کے دفتر میں لے جایا گیاہے۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔