منگلورو ،12 / جولائی (ایس او نیوز) شہر کے منگلورو ایسٹ ٹریفک پولیس اسٹیشن سے منسلک ایک ٹریفک پولیس ہیڈ کانسٹیبل کانسٹیبل کو لوک آیکت کے اہلکاروں نے  5000 روپے رشوت لیتے ہوئے رنگے ہاتھوں گرفتار کر لیا۔ 
    
پولیس کی طرف سے جاری کیے گئے بیان کے مطابق گرفتار شدہ ہیڈ کانسٹیبل کا نام تسلیم ہے ۔ یہ مسئلہ اس وقت شروع ہوا جب شکایت کنندہ کے والد کی گاڑی ننتھور سرکل کے قریب اسکوٹر کے ساتھ حادثہ کا شکار ہوئی ۔ یہ کیس کدری ٹریفک پولیس اسٹیشن میں درج کیا گیا تھا، اور کانسٹیبل تسلیم نے مبینہ طور پر شکایت کنندہ سے مذکورہ گاڑی اور اس کے کاغذات لے کر پولیس اسٹیشن میں آنے کے لئے کہا ۔ 
    
شکایت کنندہ کا الزام ہے کہ اس نے جب اس ہدایت تعمیل کی تو ہیڈ کانسٹیبل تسلیم نے مذکورہ کار اور اس کے کاغذات  کو واپس دینے کے لیے 50,000 روپے رشوت طلب کی ۔ اپنے وکیل سے مشورہ کرنے کے بعد، شکایت کنندہ دوبارہ پولیس اسٹیشن گیا اور اسے ایک دستاویز پر دستخط کرنے کے لیے کہا گیا جس میں کہا گیا تھا کہ گاڑی چھوڑ دی گئی ہے ، حالانکہ اسے واپس نہیں کیا گیا تھا ۔ 
    
بعد میں تسلیم نے مبینہ طور پر شکایت کنندہ کو گاڑی چھوڑنے سے پہلے اپنا موبائل فون حوالے کرنے پر مجبور کیا ۔

جب شکایت کنندہ نے اپنا موبائل فون واپس مانگا تو تسلیم نے مبینہ طور پر 50,000 روپے کا مطالبہ دہرایا اور اصل ڈرائیونگ لائسنس جمع کرانے پر بھی اصرار کیا ۔ تب شکایت کنندہ نے لائسنس دے دیا ۔ پھر اس کے بعد  تسلیم نے مبینہ طور پر ایک اور کانسٹیبل، ونود  کو ہدایت کی کہ وہ لائسنس واپس کرنے کے لیے 30,000 روپے رشوت وصول کرے ۔ اس کے بعد

9 جولائی کو جب شکایت کنندہ تسلیم سے دوبارہ ملا تو اس سے مبینہ طور پر 10,000 روپے ادا کرنے کو کہا گیا۔  جب شکایت کنندہ نے کہا کہ اس کے پاس صرف 500 روپے ہیں تو اسے کہا گیا کہ وہ 5000 روپے کے بغیر واپس نہ جائیں ۔

    اس پس منظر میں شکایت کنندہ نے منگلورو لوک آیوکتہ پولیس اسٹیشن سے رجوع کیا اور رسمی شکایت درج کروائی ۔ جس کی بنیاد پر جال بچھا دیا گیا اور 10 جولائی کو 5000 روپے رشوت لیتے ہوئے ہیڈ کانسٹیبل تسلیم کو دبوچ لیا گیا ۔

لوک آیکتہ پولیس نے ملزم پولیس کانسٹیبل کو حراست میں لے کر تفتیش شروع کر دی ہے ۔