ہاسن ،26 / مئی (ایس او نیوز) ہاسن کے مضافات ایچنہلّی کے قریب آج علی الصبح پیش آئے بھیانک سڑک حادثے میں کار میں سوار ایک بچی سمیت 6 افراد موت کا شکار ہوگئے ۔
بتایا جاتا ہے کہ ہاسن ٹریفک پولیس کے حدود ہوئے اس حادثے میں ایک کار کے ڈرائیور نے نیند کے غلبے کی وجہ سے اپنی کار ٹرک سے ٹکرائی جس کے نتیجے میں کار کو بری طرح نقصان پہنچا اور اس میں موجود تین خواتین ، دو مرد اور ایک بچی کی موقع پر ہی موت واقع ہوگئی ۔
حادثے کی اطلاع ملنے پر ضلع پولیس ایس پی محمد سوجیتا نے جائے وقوع پر پہنچ کر معائنہ کیا ۔
