اڈپی 14/ اکتوبر (ایس او نیوز) اڈپی میں ملیریا اور ڈینگی جیسی بیماریوں کی روک تھام کے لئے کستوربا میڈیکل کالج کمیونٹی ہیلتھ شعبہ کے طلبہ اور ڈسٹرکٹ ہیلتھ اینڈ فیمیلی ویلفیئر ڈپارٹمنٹ کے اشتراک سے اڈپی شہر اور منی پال کے ان علاقوں کا سروے کیا گیا جہاں پر کوڑا کچرا اور گندہ پانی جمع ہونے کی وجہ سے مچھروں کی افزائش کے امکانات پائے جاتے ہیں ۔

 طلبہ اور محکمہ جاتی اہلکاروں کی ٹیم نے مختلف علاقوں میں پہنچ کر لوگوں کو اپنے گھروں کے اطراف صفائی ستھرائی کا پورا خیال رکھنے اور کسی بھی جگہ پانی جمع ہونے سے روکنے کے اقدامات کی ہدایات دیں ۔ جن علاقوں میں برساتی پانی یا گندہ پانی جمع تھا وہاں پر مچھروں کی افزائش کے تعلق سے جائزہ لیا گیا اور عوام کو اسے روکنے کے سلسلے میں آگاہی دی گئی ۔