ہنومان جی کو دلت بتانے پر یوگی آدتیہ ناتھ کو نوٹس،جذبات کو پہنچائی ٹھیس، تین دن میں معافی کامطالبہ
جے پور:29/نومبر (ایس او نیوز/آئی این ایس انڈیا) راجستھان اسمبلی کے انتخاب میں ایک ریلی سے خطاب کرتے ہوئے یو پی کے وزیراعلی یوگی آدتیہ ناتھ نے ہنوما جی پر تبصرہ کیا۔وزیراعلی یوگی کی اس کے لئے تنقید کی جا رہی ہے۔اس کے علاوہ،’’راجستھان سرو برہمن مہاسبا‘‘نامی ایک تنظیم نے وزیر اعلی کو قانونی نوٹس بھیجا ہے۔اس نوٹس میں تین دن کے اندر معافی مانگنے کا مطالبہ کیا گیا ہے۔اس کے ساتھ ساتھ ان پر ووٹنگ کے لئے ہنومان جی کی ذات کودرمیان میں لانے کا الزام لگایا ہے۔تنظیم کے چیئرمین سریش مہتا نے نوٹس میں کہا ہے کہ یوگی آدتیہ ناتھ نے بہت سے عقیدت مندوں کے جذبات کو ٹھیس پہنچائی ہے۔بتا دیں کہ وزیراعلی یوگی نے کہا تھا کہ بجرنگ بلی ایک ایسے لوک دیوتا ہیں جو خوون واسی ہیں، نرواسی ہیں، دلت ہیں، محروم ہیں، شمال سے جنوب تک مشرقی سے مغرب تک ہندوستانی کمیونٹی کوجوڑنے کاکام بجرنگ بلی کرتے ہیں۔وزیراعلی یوگی کے اس بیان کی سوشل میڈیاپر خوب تنقید کی جا رہی ہے۔ٹوئٹر، فیس بک پر کئی طرح کے میمس بنائے جارہے ہیں۔قبل ازیں وزیراعلی یوگی نے ایک ریلی میں اپنے خطاب میں ہنومان جی کرذکرکیا تھا۔مدھیہ پردیش میں ایک ریلی کے دوران انہوں نے ایم پی کانگریس کے صدرکمل ناتھ کونشانہ بناکر کہاتھاکہ کانگریس کو صرف مسلم ووٹوں کی ضرورت ہے۔کمل ناتھ آپ اپنا نام علی رکھ لیجیے، ہمارے لیے بجرنگ بلی کافی ہیں۔