چین کی سرحد کے قریب ملا لاپتہ سکھوئی۔30 طیارے کا ملبہ
نئی دہلی ،26مئی(ایس او نیوز؍آئی این ایس انڈیا)گزشتہ دنوں تیجپر ہوائی اڈے سے پرواز کے بعد لاپتہ ہوئے فضائیہ کے فائٹر پلین سکھوئی ۔30 کا پتہ لگ گیاہے۔ یہ فائٹرجیٹ گر کر تباہ ہوا تھا اور اس کا ملبہ چین کی سرحد کے قریب ملاہے۔ یہ وہی جگہ ہے جہاں سے فائٹر جیٹ ریڈارسے لاپتہ ہوا تھا۔ اس طیارے میں دو پائلٹ بھی سوار تھے، جن کے بارے میں ابھی کوئی معلومات نہیں ملی ہیں۔فضائیہ کا سکھوئی ۔30 لڑاکا طیارے اپنے دو پائلٹوں کے ساتھ آسام کے تیج پور فضائیہ اسٹیشن سے باقاعدہ پریکٹس کے تحت صبح ساڑھے نوبجے پروازبھری تھی۔ ہوائی جہاز کے پرواز قریب پونے دو گھنٹے کے بعد سوا 11 بجے اس کا رابطہ ریڈار سے ٹوٹ گیا۔ طیارے کی آخری لوکیشن چین سرحد سے ملحق اروناچل پردیش میں ڈولاساگ علاقے میں درج کی گئی تھی۔ اس کے بعدسے سکھوئی ۔30 کے بارے میں کوئی اطلاع نہیں ملی ہے۔دوانجن والے سکھوئی ۔30 ہوائی جہاز کی تعمیر روس کی کمپنی سکھوئی ایوی ایشن کارپوریشن نے کی ہے۔بھارت کی حفاظت کی ضروریات کے لحاظ سے سکھوئی طیارے کو کافی اہم سمجھاجاتاہے۔ یہ تمام موسموں میں رات اور دن دونوں میں پرواز کرنے کے قابل ہے، اس کے ساتھ ساتھ ہوا سے ہوا میں اور ہوا سے سطح پرمارکرنے میں مکمل طوپراہل ہے۔ اگرچہ ایک کے بعد ایک سکھوئی طیاروں کے اجلاس ہونے کے تناظر سے تشویشیں بڑھ رہی ہیں۔