مدھیہ پردیش : عدالت کے احاطے میں خواتین کے ہاتھوں وکیل کی چپلوں سے پیٹائی؛ وکیل پر جنسی تشدد کا الزام (وڈیو کلپ)
گُنا 17/جولائی (ایس او نیوز/ ایجنسی) مدھیہ پردیش کے گنا میں خواتین کے ایک گروپ نے ایڈیشنل کلکٹر کورٹ کے باہر ایک وکیل کی جم کر دھنائی کر دی۔ خواتین نے الزام لگایا ہے کہ متعلقہ وکیل نے کسی خاتون کے ساتھ جنسی تشدد کیا ہے۔ جب خواتین وکیل کو پیٹ رہی تھی، تو اُس دوران موقع پر موجود کچھ لوگوں نے وڈیو نکال کر سوشیل میڈیا میں ڈال دیا، جس کے بعد وڈیو وائرل ہوگیا۔
ویڈیو میں کئی خواتین مل کر ایک وکیل کو چپلوں سے بری طرح پیٹتے ہوئے دیکھا گیا ہے۔ اور بھیڑ کھڑے ہو کر واقعے کا تماشا دیکھ رہی ہے.
وڈیو میں دیکھا گیا ہے کہ پیٹنے والا وکیل چھوڑنے کی لگاتا ر اپیل کررہا ہے، لیکن عورتیں تابڑ توڑ چپپلیں برسارہی ہیں. آخر کار وکیل کسی طرح کورٹ کے ایک روم میں گھس جاتا ہے .
خواتین کے مطابق وکیل نے ان کے ساتھ چھیڑ چھاڑ کی تھی. عدالت کے احاطے میں پٹنے والے وکیل کا نام مہندر لودھی کی حیثیت سے کی گئی ہے. جس وقت عورتیں وکیل کو پیٹ رہی تھیں اس وقت کورٹ کے احاطے میں کافی تعداد میں لوگ موجود تھے۔