بابری مسجد شہادت کی 26 ویں برسی کے موقع پربھٹکل میں ویلفئیر پارٹی آف انڈیا نے صدر ہند کے نام دیا میمورنڈم

Source: S.O. News Service | By I.G. Bhatkali | Published on 6th December 2018, 1:31 PM | ساحلی خبریں |

بھٹکل 6/ڈسمبر (ایس او نیوز) ایودھیا میں بابری مسجد کی شہادت کی 26 ویں برسی کے موقع پر  ویلفئیر پارٹی آف انڈیا کی جانب سے آج بھٹکل اسسٹنٹ کمشنر کے توسط سے صدر ہند کے نام میمورنڈم پیش کیا گیا جس میں صدر ہند سے درخواست کی گئی ہے کہ وہ مرکزی حکومت اور  اُترپردیش کی ریاستی حکومت کو ہدایت جاری کریں کہ  ملک بھر میں 6/دسمبر کو امن و امان کی صورتحال کو برقرار رکھیں۔

میمورنڈم میں صدر ہند کو لکھا گیا ہے کہ چونکہ یہ انتخابی سال ہے ایسے میں خود غرض سیاسی پارٹیاں عوام میں اشتعال پیدا کرکے عوام ملک میں نفرت کی فضاء پھیلا سکتے ہیں، ایسے میں ہم چاہتے ہیں کہ آپ مسلم شہریوں کو تحفظ فراہم کریں اور ملک کے مسلمانوں کے اندرلاء اینڈ آرڈر کے تئیں اعتماد بحال کریں۔

اسسٹنٹ کمشنر کی غیر موجودگی کی وجہ سے اے سی آفس کی ایک خاتون اہلکار نے میمورنڈم وصول کیا۔ اس موقع پر  ویلفئیر پارٹی آف انڈیا کے ضلعی صدر عبدالجبار اسدی، نائب صدر ڈاکٹر نسیم خان،  جنرل سکریٹری شوکت خطیب،  سکریٹری صفوان، خزانچی عبدالمجید کولا سمیت دیگر کارکنان موجود تھے۔

 

ایک نظر اس پر بھی

بھٹکل میں موسلادھار بارش؛ بندر روڈ پر کمپاونڈ کی دیوار گر گئی؛ بائک کو نقصان؛ بارش سے دو بجلی کے کھمبوں پر بھی درخت گرگئے

شہر میں گذشتہ کچھ دنوں سے بارش  کا سلسلہ جاری ہے، البتہ  پیر اور منگل کی درمیانی شب سے  آج منگل شام تک کافی اچھی بارش ریکارڈ کی گئی ہے، ایسے میں  شام کو  ایک مکان کے کمپاونڈ کی دیوار گرنے کی واردات بھی پیش آئی ہے۔

کاروار میں کرناٹکا جرنالسٹ یونین اترکنڑا کے زیراہتمام یکم جولانی کو ہوگا یوم صحافت کا ضلعی پروگرام

کرناٹکا جرنالسٹ یونین اترکنڑا ضلعی شاخ کے زیر اہتمام یکم جولائی کو ضلع پتریکابھون میں ’’یوم صحافت ‘‘ کا پروگرام منعقد کیا جائے گا جس میں سورنا نیوز کے کرنٹ آفیرس ایڈیٹر جئے پرکاش شٹی کو ہرسال دئیے جانے والا ’ہرمن موگلنگ ‘ریاستی ایوارڈ سے نوازا جائے گا۔

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

جانوروں پر حکومت کی مہربانی۔اب دوپہر 12تا3بجے کے دوران رہے گی کھیتی باڑی کی مشقت پر پابندی

کھیتی باڑی اور دیگر محنت و مشقت کے کاموں میں استعمال ہونے والے مویشیوں پر ریاستی حکومت نے بڑے مہربانی دکھاتے ہوئے ایک سرکیولر جاری کیا ہے کہ گرمی کے موسم میں تپتی دھوپ کے دوران دوپہر 12سے 3بجے تک کسان اپنے جانوروں کو کھیت جوتنے یا دوسرے مشقت کے کاموں میں استعمال نہیں کرسکیں گے۔